లైట్ కమర్షియల్ సెగ్మెంట్​లోకి మహీంద్రా- పవర్​ఫుల్ ఇంజిన్​తో 'వీరో' లాంచ్! - Mahindra Veero LCV Launched

Mahindra Veero LCV Launched: మహీంద్రా అండ్ మహీంద్రా సంస్థ తాజాగా లైట్ కమర్షియల్ సెగ్మెంట్​లోకి అడుగుపెట్టింది. పవర్​ఫుల్ ఇంజిన్​తో ఎల్‌సివి సెగ్మెంట్‌లో మహీంద్రా వీరోను విడుదల చేసింది. దీని ధర, ఫీచర్లు, ఇంజిన్ గురించి తెలుసుకుందాం రండి.

Mahindra Veero LCV Launched: దేశంలోని ప్రముఖ ఆటోమొబైల్ తయారీ సంస్థ మహీంద్రా అండ్ మహీంద్రా తన కొత్త కమర్షియల్ వాహనాన్ని మార్కెట్లో విడుదల చేసింది. ఎల్​సీవీ సెగ్మెంట్​లో 3.5 టన్నుల లోపు తేలికపాటి మహీంద్రా వీరో కమర్షియల్ వాహనాన్ని అందుబాటులోకి తెచ్చింది. ఈ వీరో లైట్‌ కమర్షియల్ వాహనాన్ని కంపెనీ మూడు వేరియంట్లలో లాంచ్ చేసింది. ఈ సందర్భంగా దీని ధర, ఫీచర్లు, ఇంజిన్ గురించి మరిన్ని వివరాలు మీకోసం.

మహీంద్రా వీరో ఎల్​సీవీ ఫీచర్లు:

• డ్రైవర్ సీట్ స్లైడ్ అండ్ రిక్లైన్,
• ఫ్లాట్ ఫోల్డ్ సీట్లు
• డోర్ ఆర్మ్-రెస్ట్‌లు
• మొబైల్ డాక్
• పియానో ​​బ్లాక్ క్లస్టర్ బెజెల్
• డ్రైవర్ ఎయిర్‌బ్యాగ్
• హీటర్ అండ్ AC
• ఫాస్ట్ ఛార్జింగ్ USB సీ-టైప్
• 26.03 cm టచ్‌స్క్రీన్ ఇన్ఫోటైన్‌మెంట్
• రివర్స్ పార్కింగ్
• కెమెరా
• స్టీరింగ్-మౌంటెడ్ కంట్రోల్స్
• పవర్డ్ విండోస్
• డీజిల్‌ వెర్షన్‌ లీటరుకు 18.4 కి.మీ
• మైలేజ్:సీఎన్‌జీ వేరియంట్‌ కేజీకి 19.2 కి.మీ.
• ధర:రూ. 7.99 లక్షల నుంచి ప్రారంభం
  

  Mahindra_Veero_LCV_Launched (Mahindra)

మహీంద్రా వీరో ఎల్​సీవీ ఇంజిన్:కంపెనీ మహీంద్రా వీరోను డీజిల్, సీఎన్​జీ ఆప్షన్స్​లో విడుదల చేసింది. ఇది 59.7 kW పవర్, 210 Nm టార్క్ ఉత్పత్తి చేసే 1.5-లీటర్ mDI డీజిల్ ఇంజన్ ద్వారా శక్తిని పొందుతుంది. CNGతో లభించే ఈ ఇంజన్ 67.2 kW శక్తిని, 210 Nm టార్క్‌ను జనరేట్ చేస్తుంది.

మహీంద్రా వీరో ఎల్​సీవీ కెపాసిటీ: ఈ మహీంద్రా వాహనం CBC, స్టాండర్డ్ డెక్ అండ్ హై డెక్ కార్గో కోసం డిజైన్ చేశారు. వాటిలో XL 2765 mm, XXL 3035 mm ఉన్నాయి. దీని లోడ్ కెపాసిటీ 1.6 టన్నులు, డీజిల్ 1.55 టన్నులు. అలాగే CNG ఇంజిన్ కెపాసిటీ 1.5 టన్నులు అండ్ 1.4 టన్నులు.

Mahindra_Veero_LCV_Launched (Mahindra)

మహీంద్రా వీరో ఎల్​సీవీ ధర:మహీంద్రా వీరో ఎల్​సీవీ ధర రూ. 7.99 లక్షల నుంచి ప్రారంభం అవుతుంది. V2 CBC XL వేరియంట్‌ను ఈ ధర వద్ద కొనుగోలు చేయవచ్చు. అలాగే V6 SD XL వేరియంట్ ధర రూ.9.56 లక్షలు (ఎక్స్-షోరూమ్)గా మార్కెట్లో అందుబాటులో ఉంది.