ISRO PROBA 3 Mission: ఇస్రో మరో ఘనతను సాధించేందుకు సిద్ధమైంది. ఈసారి ఏకంగా సూర్యుడిపైనే అధ్యయనం చేసేందుకు రెడీ అయింది. ఈ మేరకు యూరోపియన్ స్పేస్ ఏజెన్సీ 'ప్రోబా-3' మిషన్లో భాగంగా ఇస్రో.. డిసెంబర్ 4న రెండు ఉపగ్రహాలను అంతరిక్షంలోకి పంపనుంది. ఆంధ్రప్రదేశ్‌లోని శ్రీహరికోటలోని సతీష్ ధావన్ అంతరిక్ష కేంద్రం నుంచి పీఎస్‌ఎల్‌వీ ద్వారా ఈ ఉపగ్రహాలను ప్రయోగించనున్నారు.
ఈ పీఎస్‌ఎల్‌వీ-సీ59/ప్రోబా-3 మిషన్లో.. కరోనాగ్రాఫ్ స్పేస్‌క్రాఫ్ట్ (CSC), ఓకల్టర్ స్పేస్‌క్రాఫ్ట్ (OSC) అనే రెండు అంతరిక్ష నౌకలు ఉంటాయి. ఈ రెండింటి బరువు సుమారు 550 కిలోలు. వీటిని 'స్టాక్డ్ కాన్ఫిగరేషన్'లో అంటే ఒకదానిపై మరొకటి అమర్చి రెండింటినీ కలిపి ఒకేసారి ప్రయోగించనున్నారు. ఈ మేరకు బుధవారం సాయంత్రం 4:06 గంటలకు ఈ రెండు శాటిలైట్లను ప్రయోగించనున్నట్లు ఇస్రో ఒక ప్రకటనలో తెలిపింది.
ఈ ప్రయోగం కోసం ఇస్రో తన అత్యంత విశ్వసనీయమైన, సమర్థవంతమైన PSLV (పోలార్ శాటిలైట్ లాంచింగ్ వెహికల్) రాకెట్ XL వెర్షన్ను ఉపయోగిస్తోంది. ఇస్రో దగ్గర ఉన్న మొత్తం ఐదు PSLV వేరియంట్స్లో ఇది మోస్ట్ పవర్ ఫుల్ రాకెట్. ఈ రాకెట్ సాధారణ PSLV కంటే చాలా శక్తివంతమైనది. ఎందుకంటే సాధారణ PSLV రాకెట్ 4 బూస్టర్లను మాత్రమే ఉండగా.. ఇది 6 పెద్ద బూస్టర్లను కలిగి ఉంటుంది.
⏳ Less than 36 hours to go!
— ISRO (@isro) December 3, 2024
🚀 Join us LIVE for the PSLV-C59/PROBA-3 Mission! Led by NSIL and executed by ISRO, this mission will launch ESA’s PROBA-3 satellites into a unique orbit, reflecting India’s growing contributions to global space exploration.
📅 Liftoff: 4th Dec… pic.twitter.com/yBtA3PgKAn
దీని ఒక్కో బూస్టర్ 12 టన్నుల ప్రొపెల్లెంట్ (రాకెట్కు ఫ్యూయెల్ వంటిది) క్యారీ చేయగలదు. PSLV-XL రాకెట్ అనేది భారతదేశపు మొట్ట మొదటి లిక్విడ్ ఫేజ్ వెహికల్. ఇది ఫ్యూయల్, లిక్విడ్ ఫ్యూయల్ రెండింటినీ ఉపయోగించుకుంటుంది. ఈ రెండు రకాల ఫ్యూయెల్స్ కలయిక వల్ల రాకెట్కు ఎక్స్ట్రా పవర్ లభిస్తుంది. దీంతో ఇది నార్మల్ PSLV రాకెట్ కంటే ఎక్కువ బరువున్న శాటిలైట్లను అంతరిక్షంలోకి తీసుకెళ్లగలదు.
ఈ మేరకు ఈ 'PSLV-C59/Proba-3' మిషన్ కోసం కోసం అత్యంత విశ్వసనీయమైన, సమర్థవంతమైన PSLV (పోలార్ శాటిలైట్ లాంచింగ్ వెహికల్) రాకెట్ సిద్ధంగా ఉందని ఇస్రో 'X'లో తెలిపింది. ఇది న్యూ స్పేస్ ఇండియా లిమిటెడ్ మిషన్. దీన్ని యూరోపియన్ స్పేస్ ఏజెన్సీ (ESA) అభివృద్ధి చేసింది.
⏳ 2 Days Left!
— ISRO (@isro) December 2, 2024
The PSLV-C59/PROBA-3 Mission, the 61st flight of PSLV and the 26th using PSLV-XL configuration, is set to carry ESA’s PROBA-3 satellites (~550kg) into a highly elliptical orbit.
💡 PSLV-C59 Configuration:
Stages: 6PSOM-XL + S139 + PL40 + HPS3 + L2.5
Liftoff… pic.twitter.com/7B9sSkGeb4
ఈ ప్రయోగం ముఖ్య ఉద్దేశం?: ఈ ప్రోబా-3 మిషన్ ప్రయోగం సూర్యుని బయటి పొర అయిన సోలార్ కరోనాను అధ్యయనం చేసేందుకు ఉపయోగపడుతుంది. ఇందుకోసం PSLV-XL రాకెట్ ఈ ESA 'ప్రోబా-3' ఉపగ్రహాలను సరైన కక్ష్యలోకి ప్రవేశపెట్టనుంది. అనంతరం ఈ రెండు ఉపగ్రహాలు పరస్పరం సమన్వయంతో ఒక క్రమపద్ధతిలో భూకక్ష్యలో విహరిస్తాయి. ఈ తరహా ప్రయోగాన్ని చేపట్టడం ప్రపంచంలోనే ఇదే మొట్ట మొదటిసారని ESA తెలిపింది. ఈ ప్రయోగానికి సంబంధించిన కౌంట్డౌన్ మంగళవారం మధ్యాహ్నం 3:08 గంటలకు ప్రారంభమయింది.
తిప్పరా మీసం.. భారత్ తొలి మానవ సహిత అంతరిక్ష యాత్రకు సర్వం సిద్ధం!
2025లో మొదటి సూర్యగ్రహణం ఎప్పుడో తెలుసా?- ఇది ఏ రాశులపై ప్రభావం చూపిస్తుందంటే..?
భారత్ అణుబాంబు మిస్సైల్ టెస్ట్ సక్సెస్- భూమి, ఆకాశంలోనే కాదు.. సముద్రం నుంచి కూడా సై..!
