How To Complain About Spam Calls In India : మొబైల్ ఫోన్ వాడే వారిని ప్రధానంగా వేధించే సమస్యలో స్పామ్ కాల్స్ ఒకటి అని చెప్పొచ్చు. ముఖ్యమైన పనిలో ఉండగా గుర్తు తెలియని నంబర్ల నుంచి ఈ తరహా కాల్స్ వచ్చి విసిగిస్తుంటాయి. ఇందులో కొన్ని వాయిస్‌ కాల్స్ కాగా, మరికొన్ని రికార్డెడ్‌ కాల్స్ లేదా రోబో కాల్స్ అయ్యుంటాయి. ఆ నంబర్ను బ్లాక్ చేసినా, వేరే నంబర్ నుంచి స్పామ్ కాల్స్ వస్తుంటాయి. దీని వల్ల చాలా ఇబ్బందిగా ఉంటుంది. అందుకే ఈ స్పామ్ కాల్స్ను అరికట్టేందుకు ట్రాయ్ ఓ యాప్ను తీసుకొచ్చింది. అదే డీఎన్డీ 3.0 (DND 3.0). మరి ఈ యాప్ను ఎలా ఉపయోగించాలో ఈ స్టోరీలో తెలుసుకుందాం.
డీఎన్డీ 3.0 యాప్ను వాడే ప్రాసెస్ ఇదే!
- ఆండ్రాయిడ్‌ యూజర్లు డీఎన్డీ 3.0 యాప్ను గూగుల్‌ ప్లేస్టోర్‌ నుంచి డౌన్లోడ్‌ చేసుకోవాలి.
- ఆ తర్వాత కాల్స్, మేసేజ్లు, కాంటాక్టులు తదితర అవసరమైన పర్మిషన్లు ఇవ్వాలి.
- ఆ తర్వాత ఓటీపీ వెరిఫికేషన్తో లాగిన్ కావాల్సి ఉంటుంది.
- యాప్లోకి లాగిన్ అయిన తరువాత మీకు నచ్చిన డీఎన్డీ ప్రిఫరెన్సులను ఎంచుకోవచ్చు.
- బ్యాంకింగ్‌/ ఇన్సూరెన్స్‌, రియల్ ఎస్టేట్‌, ఎడ్యుకేషన్‌, హెల్త్‌ ఇలా నచ్చిన కేటగిరీని ఎంచుకోవచ్చు.
- అప్పుడు మీరు ఎంచుకున్న కేటగిరీ నుంచి మాత్రమే మీకు కాల్స్ వస్తాయి. మిగతా కేటగిరీల కాల్స్ మీకు రాకుండా ఉంటాయి.
- ఒక వేళ అప్పటికీ మీకు స్పామ్ కాల్స్/ మెసేజులు వస్తుంటే, రిపోర్ట్‌ యూసీసీ అనే ఆప్షన్ ద్వారా సదరు ఫోన్ నంబర్పై టెలికాం సర్వీసు ప్రొవైడర్కు ఫిర్యాదు చేయాలి.
- వాయిస్‌, SMSలపై కంప్లైంట్ చేయాలనుకుంటే, ఆ ఆప్షన్పై క్లిక్‌ చేయగానే మీ కాల్‌/ మెసేజ్ హిస్టరీ ఓపెన్‌ అవుతుంది. అక్కడి నుంచే ఈజీగా కంప్లైంట్ చేయవచ్చు.
బగ్స్ ఉన్నాయ్!
వాస్తవానికి డీఎన్డీ 3.0 యాప్ను చాలా రోజుల క్రితమే ట్రాయ్ తీసుకువచ్చింది. కానీ ఇందులోని బగ్స్పై యూజర్ల నుంచి తీవ్రమైన అసంతృప్తి వచ్చింది. దీంతో ట్రాయ్ సెక్రటరీ రఘునందన్‌ ఓ సందర్భంలో దీనిపై స్వయంగా స్పందించాల్సి వచ్చింది. బగ్స్ ఉన్నమాట వాస్తవమేనని, వాటిని తొలగిస్తామని ఆయన హామీ ఇచ్చారు. ఫలితంగా ఇప్పుడు ఈ డీఎన్డీ యాప్ సేవల్లో మెరుగుదల కనిపిస్తోంది. కంప్లైంట్ చేసిన తర్వాత, సదరు స్పామర్స్పై ఏమేం చర్యలు తీసుకున్నారో, ఆ వివరాలు యాప్లోనే చూపిస్తున్నారు. అయితే స్టేటస్‌ తెలుసుకునే విషయంలో, కాల్‌ హిస్టరీ చూసే విషయంలో ఇంకా చాలా ఇబ్బందులు ఎదురవుతున్నట్లు కొంత మంది యూజర్లు అసంతృప్తి వ్యక్తం చేస్తున్నారు.