ChatGPT Image Generator Free :ఆర్టిఫీషియల్ ఇంటిలిజెన్స్ (AI) ఆధారంగా చాట్జీపీటీ ఎప్పటికప్పుడు కొత్త ఫీచర్లు పరిచయం చేస్తోంది. ఇటీవల తీసుకొచ్చిన డాల్-ఇ 3 ఏఐ మోడల్ అందుబాటులోకి తీసుకురావాలని నిర్ణయం తీసుకుంది. దీంతో ఇప్పటి వరకు చాట్జీపీటీ ప్లస్ సబ్‌స్క్రైబర్లకు మాత్రమే ఉన్న ఈ ఫీచర్ను అందరికీ అందుబాటులోకి తీసుకొచ్చింది. కానీ దానిపై ఓ లిమిట్ పెట్టింది. రోజుకు రెండు ఫోటోలను క్రియేట్ చేసుకోవచ్చని పేర్కొంది.
టెక్ట్స్‌ సాయంతో ఇమేజ్‌ను రూపొందించే సదుపాయంతో చాట్జీపీటీ డాల్-ఇ 3 ఎఐ మోడల్‌ను గతేడాది సెప్టెంబరులో తీసుకొచ్చింది. చాట్జీపీటీ వెబ్‌సైట్‌లోని సైడ్‌ ప్యానెల్‌ సాయంతో డాల్- ఇ3 ఇంటర్‌ఫేస్‌కు వెళ్లొచ్చు లేదంటే చాట్జీపీటీ ద్వారా చిత్రాలు రూపొందించొచ్చు. మీకు నచ్చిన ఫొటో రూపొందించడానికి యాంగిల్‌, లైటింగ్‌, కెమెరా డిటైల్స్స్ను టెక్ట్స్‌ రూపంలో ఇవ్వొచ్చు. ఆండ్రాయిడ్, ఐఫోన్‌ యూజర్లు ఈ సదుపాయాన్ని వినియోగించుకోవచ్చు. ప్రస్తుతం ఈ ఫీచర్ అందరికీ అందుబాటులోకి రాలేదు.
అయితే చాట్జీపీటీని చాలా మంది వినియోగిస్తున్నారు. కొత్త యూజర్లు కూడా ఈ టూల్ వాడేందుకు ఆసక్తి కనబరుస్తున్నారు. అయితే చాట్ జీపీటీ ఉపయోగించేందుకు అకౌంట్ క్రియేట్ చేసి, సైన్ ఇన్ కావాల్సిన అవసరం లేదు. లాగిన్ కాకుండానే ఎవరైనా చాట్జీపీటీ వాడుకోవచ్చు. ఈ-మెయిల్ ఐడీ లేదా ఫోన్ నంబర్ లేకుండానే చాట్జీపీటీను వాడుకోవచ్చు. అంతకుముందు యూజర్స్ ఈ-మెయిల్, ఫోన్ నంబర్ ఉపయోగించి గూగుల్, మైక్రోసాఫ్ట్, ఆపిల్ ప్లాట్ఫామ్స్ ద్వారా చాట్ జీపీటీలో సైన్-ఇన్ చేయాల్సి వచ్చేది. అయితే ఓపెన్ ఏఐ ఏప్రిల్ 1 నుంచి చాట్జీపీటీ 3.5ను రోల్అవుట్ చేసింది. ఈ చాట్జీపీటీ వెర్షన్లో మీరు సైన్-ఇన్ చేయకుండానే, నేరుగా దానిని వాడుకోవచ్చు. అయితే చాట్జీపీటీ అకౌంట్ క్రియేట్ చేసుకున్న వినియోగదారులు మాత్రమే వాయిస్ చాట్స్, పర్సనలైజ్డ్ ఇన్స్ట్రక్షన్స్ లాంటి అదనపు సేవలు పొందగలుగుతారు. మిగతావారికి ఈ సేవలు అందుబాటులో ఉండవు.
ఏదిఏమైనప్పటికీ ఈ చాట్జీపీటీ వాడేటప్పుడు చాలా జాగ్రత్తగా ఉండాలి. ఎట్టిపరిస్థితుల్లోనూ సున్నితమైన సమాచారాన్ని ఈ ఏఐ చాట్బాట్తో పంచుకోకూడదు. ఓపెన్ ఏఐ సంస్థకు చెందిన లేటెస్ట్ చాట్జీపీటీ 4 లేదా డాల్-ఇ 3లు ఉపయోగించాలంటే మాత్రం, కచ్చితంగా చాట్జీపీటీ అకౌంట్లో లాగిన్ కావాల్సి ఉంటుంది. అకౌంట్ లేకుండానే చాట్ జీపీటీని వాడడం ఎలా? అనేది తెలుసుకోవాలనుకుంటే ఈ లింక్పై క్లిక్ చేయండి.
