SSMB 29 Rajamouli Update : టాలీవుడ్ సూపర్ స్టార్ మహేశ్‌బాబు, డైరెక్టర్ ఎస్‌.ఎస్‌.రాజమౌళి కాంబినేషన్లో తెరకెక్కుతోన్న యాక్షన్ అడ్వెంచర్ మూవీ ప్రస్తుతం షూటింగ్ పనుల్లో బిజీగా ఉంది. ఈ నేపథ్యంలో తాజాగా జక్కన్న ఈ సినిమా అప్డేట్ను విన్నూత్నంగా చెప్పారు. దీనికి సంబంధించిన ఓ ఇంట్రెస్టింగ్ వీడియోను పంచుకున్నారు.
ఓ సింహాన్ని లాక్‌ చేసినట్లు అర్థం వచ్చేలా వీడియో చేశారు. అందులో ఆయన పాస్‌పోర్ట్‌ చూపిస్తూ నవ్వుతూ పోజ్‌ ఇచ్చారు. అంతేకాకుండా దానికి 'క్యాప్చర్‌' అనే క్యాప్షన్ను జోడించారు. ఇక దీనికి మహేశ్ బాబు, ప్రియాంక చోప్రా రియాక్ట్ అయ్యారు. "ఒక్కసారి కమిట్‌ అయితే నా మాట నేనే వినను" అంటూ పోకిరి డైలాగును కామెంట్ చేశారు మహేశ్. 'ఫైనల్లీ అంటూ కామెంట్ చేసిన ప్రియాంక దానికి ఓ నవ్వుతున్న ఎమోజీని జోడించారు.
ప్రస్తుతం ఈ వీడియో నెట్టింట తెగ ట్రెండ్ అవుతోంది. ఇది చూస్తుంటే ఆయన ఇక సినిమా షూటింగ్ ప్రారంభించేందుకు సిద్ధమైనట్లు ఉన్నారని అభిమానులు అనుకుంటున్నారు. బాబు సెట్స్పైకి వచ్చే టైమ్ స్టార్ట్ అయ్యిందంటూ కామెంట్లు పెడుతున్నారు. మరికొందరేమో 'సినిమా అప్డేట్ ఇలా కూడా ఇస్తారా జక్కన్న!' అంటూ హిలేరియస్గా అంటున్నారు. చాలా కొత్తగా ఉందని కామెంట్లు పెడుతున్నారు.
ప్రియాంక ఫిక్స్‌!
ఇదిలా ఉండగా, గత కొంతకాలంగా ఈ సినిమాలో బాలీవుడ్ నటి ప్రియాంక చోప్రా భాగం కానున్నట్లు రూమర్స్ వచ్చాయి. దానికి తగ్గట్లుగా ఆమె తాజాగా హైదరబాద్లోకి ల్యాండ్ అయ్యారు. ఆ సమయంలో తను ఈ ప్రాజెక్ట్ కోసమే వచ్చారని కామెంట్స్ కూడా వినిపించాయి. ఇప్పుడీ వీడియోకు ప్రియాంక కామెంట్ పెట్టడం వల్ల ఇందులో ప్రియాంక రోల్ ఫిక్స్‌ అయిపోయిందని అభిమానులు అంటున్నారు. మరోవైపు రీసెంట్గానే ఆమెకు లుక్‌ టెస్ట్‌ కూడా పూర్తయినట్లు సినీ వర్గాల సమాచారం.
సినిమా కథ విషయానికొస్తే, ఇక ఇండియన్ సినీ ఇండస్ట్రీలో ఇప్పటివరకూ చూడని సరికొత్త ప్రపంచాన్ని రాజమౌళి తెరపై ఆవిష్కరించబోతున్నారని రచయిత విజయేంద్ర ప్రసాద్‌ గతంలో ఓ ఇంటర్వ్యూలో తెలిపారు. దీంతో దీనిపై అంచనాలు రెట్టింపు అవుతున్నాయి . అమెజాన్‌ అడవుల నేపథ్యంలో సాగే ఈ కథలో పలువురు విదేశీ నటులు కనిపించనున్నారు. భారతీయ భాషలతో పాటు, విదేశీ భాషల్లోనూ దీనిని రీమేక్ చేయనున్నారు. దుర్గా ఆర్ట్స్‌పై కె.ఎల్‌.నారాయణ ఈ చిత్రాన్ని నిర్మిస్తున్నారు. వెండితెరపై సరికొత్త లుక్‌లో మహేశ్ కనిపించనున్నారు.
'SSMB సినిమా ఏడాదిన్నరలోనే వచ్చేస్తుంది'- మహేశ్, రాజమౌళి ప్రాజెక్ట్పై చెర్రీ కామెంట్స్
