Best Video Editing Ai Tools :ప్రపంచ వ్యాప్తంగా నేడు ఆర్టిఫీషియల్ ఇంటెలిజెన్స్ హవా నడుస్తోంది. కృత్రిమ మేధ మానవ జీవితాన్ని మరింత సులభతరం చేస్తోంది అనడంలో ఎలాంటి సందేహం లేదు. ఇప్పటికే ఎన్నో ఏఐ టూల్స్, అప్లికేషన్లు అందుబాటులోకి వచ్చాయి. వాటిలోని బెస్ట్ వీడియో ఎడిటింగ్, కంటెంట్ క్రియేషన్, బ్రాడ్కాస్టింగ్ టూల్స్ గురించి ఇప్పుడు తెలుసుకుందాం.
1. UiPath Clipboard AI
ఈ యూఐపాత్ క్లిప్బోర్డ్ ఏఐ అనేది ఆర్టిఫీషియల్ ఇంటెలిజెన్స్ ఆధారంగా పనిచేసే ఒక అప్లికేషన్. ఇది డాటా ఎంట్రీ చేసేందుకు ఉపయోగపడుతుంది. ఏఐ ఆధారితంగా కాపీ, పేస్ట్ అసిస్టెంట్గా పనిచేస్తుంది. దీనిని ఉపయోగించి కింద చెప్పినవాటి అన్నింటిలో డేటా ఎంట్రీ చేయవచ్చు.
- వెబ్, డెస్క్టాప్ ఫామ్లు
- ఎక్సెల్ స్ప్రెడ్షీట్లు
- సెమీ-స్ట్రక్చర్డ్ డాక్యుమెంట్లు, ఇన్వాయిస్లు, రిసిప్ట్లు, యుటిలిటీ బిల్స్
- ఈ మెయిల్స్, వర్డ్ డాక్యుమెంట్లు, వెబ్పేజీలు
- పీడీఎఫ్లు
2.Grammarly :గ్రామర్లీ అనేది ఒక ఆర్టిఫీషియల్ ఇంటెలిజెన్స్ ఆధారితంగా పనిచేసే డిజిటల్ రైటింగ్ టూల్. మనం రాసిన వాటిలో ఉన్న స్పెల్లింగ్ మిస్టేక్లను సరిదిద్దుకునేందుకు ఇది బాగా ఉపయోగపడుతుంది. వాక్య నిర్మాణ లోపాలని సరిచేసుకొనేందుకు ఇది సహకరిస్తుంది. ఇది విద్యార్థులు, వృత్తి నిపుణులు సహా అందరికీ చాలా ఉపయోగపడుతుంది.
ఇవీ ఉపయోగాలు
- వ్యాకరణ దోషాలను సరిదిద్దేందుకు
- విరామ చిహ్నాలను సరిచేసేందుకు
- అక్షర దోషాలను సరిదిద్దడానికి
- ప్లేజరిజం చెక్ చేయడానికి