టెక్నో పాప్ 9 5G నయా వేరియంట్ ఆగయా- 8GB RAM అండ్ 128GB స్టోరేజీతో రూ.10,999లకే!

పవర్​ఫుల్ ఫీచర్లతో టెక్నో పాప్ 9 5G కొత్త మోడల్- పూర్తి వివరాలివే!

Tecno POP 9 5G New Variant: టెక్నో తన బడ్జెట్ ఫోన్ టెక్నో పాప్ 9 5G కొత్త వేరియంట్‌ను విడుదల చేసింది. ఈ ఫోన్‌ను 8GB RAM అండ్ 128GB స్టోరేజ్‌తో కొత్త మోడల్‌లో తీసుకొచ్చింది. దీని ధర రూ.10,999. కంపెనీ దీని పాత మోడల్స్​ను​ సెప్టెంబర్ 2024లో రిలీజ్ చేసింది. అయితే వీటి ధర రూ.9,499 నుంచి ప్రారంభమవుతుంది.

ఇక టెక్నో తీసుకొచ్చిన ఈ కొత్త వేరియంట్ ఫస్ట్ సేల్ జనవరి 8 నుంచి ప్రారంభమవుతుంది. కంపెనీ ఈ ఫోన్‌ను మూడు రంగులలో విడుదల చేసింది. ఫోన్ బాక్స్‌లో రెండు స్కిన్‌లు కూడా అందుబాటులో ఉన్నాయి.

Live life fast and furious.#TECNOPOP9 — Speed through every task with 16GB* RAM and 128GB Massive Storage!

Sale starts on 8th Jan at 12 Noon.

Learn more 👉 https://t.co/AAWPyVI8V6#TECNOMobile pic.twitter.com/e4kb04HnEp

— TECNO Mobile India (@TecnoMobileInd) January 5, 2025

స్పెసిఫికేషన్స్ అండ్ ఫీచర్స్:

• డిస్​ప్లే: ఈ ఫోన్ 6.67 అంగుళాల LCD స్క్రీన్‌ను కలిగి ఉంది. ఇది 120Hz రిఫ్రెష్ రేట్‌తో వస్తుంది. ఈ ఫోన్ డిజైన్​ సెంటర్డ్ పంచ్ హోల్​ కటౌట్​తో వస్తుంది.
• ప్రాసెసర్: ఇది 6nm మీడియాటెక్ డైమెన్సిటీ 6300 చిప్‌సెట్‌తో వస్తుంది. ఇందులో 5G 10 బ్యాండ్స్ ఉన్నాయి. అంటే వినియోగదారులు ఈ స్మార్ట్​ఫోన్​లో మంచి 5G కనెక్టివిటీని పొందగలరు.
• కెమెరా: ఈ ఫోన్ వెనక భాగంలో 48MP సోనీ IMX 882 మెయిన్ కెమెరా అమర్చారు. ఫోన్ రింగ్ LED ఫ్లాష్‌లైట్‌తో వస్తుంది. ఇందులో సెల్ఫీ, వీడియో కాలింగ్ కోసం 8MP ఫ్రంట్ కెమెరా ఉంది.
• బ్యాటరీ: ఈ మొబైల్ 5000mAh బ్యాటరీని కలిగి ఉంది. ఇది 18W ఫాస్ట్ ఛార్జింగ్ సపోర్ట్‌తో వస్తుంది. ఈ ఫోన్ USB టైప్ C పోర్ట్‌తో వస్తుంది. ఇది ఫోన్‌తో బాక్స్‌లో వస్తుంది.
• కనెక్టివిటీ: ఈ ఫోన్‌లో ఇన్‌ఫ్రారెడ్ సెన్సార్, ఆల్-డైరెక్షన్ NFC కనెక్టివిటీ, బ్లూటూత్, Wi-Fi, డ్యూయల్ నానో సిమ్, USB టైప్-C, 3.5mm హెడ్‌ఫోన్ జాక్ వంటి కనెక్టివిటీ ఫీచర్లు ఉన్నాయి.
• ఇతర ఫీచర్లు: ఈ ఫోన్ IP54 రేటింగ్‌తో వస్తుంది. ఇది ఫోన్‌ను వాటర్ స్ప్లాషెస్, దుమ్ము నుంచి రక్షించడంలో సహాయపడుతుంది. ఈ రేంజ్ ధరలో లభించే ఫోన్‌లలో ఇటువంటి ఫీచర్లు చాలా అరుదుగా ఉంటాయి. ఇది కాకుండా ఈ ఫోన్ డ్యూయల్ స్టీరియో స్పీకర్లతో సహా అనేక ప్రత్యేక ఫీచర్లను కూడా కలిగి ఉంది.

ధర:

• ఈ ఫోన్ కొత్త వేరియంట్ 8GB RAM అండ్ 128GB స్టోరేజీతో వస్తుంది. దీని ధర రూ.10,999.
• దీని రెండు పాత వేరియంట్‌లలో.. ఒక వేరియంట్ 4GB RAM అండ్ 128GB స్టోరేజీతో వస్తుంది. దీని ధర రూ.9,999.
• అదే సమయంలో ఈ ఫోన్ చౌకైన వేరియంట్ 4GB RAM అండ్ 64GB స్టోరేజీతో వస్తుంది. దీని ధర రూ.9,499.