ఆండ్రాయిడ్ 15 అప్​డేట్​ వచ్చేసిందోచ్​- ఈజీగా యాక్టివేట్ చేసుకోండిలా..!

ఆండ్రాయిడ్ యూజర్లకు గుడ్​న్యూస్- 15 అప్‌డేట్ తీసుకొచ్చిన గూగుల్​

Android 15 Update: ఆండ్రాయిడ్​ అప్​డేట్​ కోసం ఎదురుచూస్తున్న వారికి గూగుల్ గుడ్​న్యూస్ చెప్పింది. పిక్సెల్​ ఫోన్లలో Android 15 స్టేబుల్ వెర్షన్‌ను రిలీజ్ చేసింది. కొత్త పిక్సెల్ 9 సిరీస్ స్మార్ట్‌ఫోన్‌లతో సహా ఎంపిక చేసిన పిక్సెల్ మొబైల్స్​లో ఇప్పుడు ఆండ్రాయిడ్ 15 అప్‌డేట్ అందుబాటులోకి వస్తోంది. ఆండ్రాయిడ్ 15తో పాటు అక్టోబర్ పిక్సెల్ డ్రాప్‌లో భాగంగా పిక్సెల్స్​కు వచ్చే కొత్త ఫీచర్ల జాబితాను కూడా గూగుల్ ప్రకటించింది. యూజర్స్ గోప్యత, మల్టీ టాస్కింగ్ సామర్థ్యాలను పెంచే లక్ష్యంతో గూగుల్ వీటిని తీసుకొచ్చింది.

Android 15లో కీలక మార్పులు ఇవే:ఆండ్రాయిడ్ 15తో పిక్సెల్ మొబైల్స్​లో​ వస్తున్న కొన్ని కీలక మార్పులను గూగుల్ వివరించింది. వీటిలో డిజైన్ మార్పులు, థెఫ్ట్​ డిటెక్షన్​ లాక్, ప్రైవేట్ స్పేస్‌తో పాటు మరిన్ని ఉన్నాయి.

1. థెఫ్ట్​ డిటెక్షన్​ లాక్: ఆండ్రాయిడ్ యూజర్స్ కోసం గూగుల్ ఇటీవల థెఫ్ట్​ ప్రొటెక్షన్ కింద 3 కొత్త భద్రతా ఫీచర్లను తీసుకొచ్చింది. ఇవి చోరీకి గురైన సందర్భాల్లో ఫోన్ స్క్రీన్​ను ఆటోమేటిక్​గా లాక్ చేసేస్తాయి.

• స్మార్ట్​లాక్ ఫీచర్:స్మార్ట్​ఫోన్ చోరీకి గురైతే ఈ ఫీచర్ ఏఐ టెక్నాలజీతో గుర్తించి వెంటనే మొబైల్​ను స్క్రీన్​ను ఆటోమెటిక్​గా లాక్ చేసేస్తుంది.
• ఆఫ్‌లైన్ డివైజ్ లాక్: పైన చెప్పిన తెఫ్ట్ లాక్ ఫీచర్ దొంగతనాన్ని గుర్తించడంలో విఫలమైతే ఆఫ్‌లైన్ డివైజ్ లాక్, రిమోట్ లాక్ ఫీచర్స్ ఉపయోగపడతాయి. చోరీ చేసిన మీ మొబైల్​ను డిస్​కనెక్ట్ చేసేందుకు దొంగలు ప్రయత్నిస్తే మీ మొబైల్​ ఇంటర్నెట్ ఆఫ్​ చేసి ఉన్నప్పుడు కూడా ఈ ఆఫ్​లైన్ డివైజ్ లాక్ ఫీచర్ ఆటోమేటిక్​గా స్క్రీన్​ను లాక్ చేసేస్తుంది.
• రిమోట్ లాక్ ఫీచర్: ఇక రిమోట్ లాక్ ఫీచర్​ చోరీకి గురైన మీ మొబైల్​ ఫోన్​ స్క్రీన్​ను వేరే డివైజ్​తో లాక్ చేసేందుకు ఉపయోగపడుతుంది. ఫోన్ చోరీకి గురైతే android.com/lock లింక్‌ను యాక్సెస్ చేయడానికి ఇది అనుమతిస్తుంది.

ఈ ఫీచర్స్​ ఇప్పుడు​ తాజాగా తీసుకొచ్చిన ఆండ్రాయిడ్ 15 వెర్షన్‌లతో కూడిన ఆండ్రాయిడ్ ఫోన్‌లలో పని చేస్తాయని గూగుల్ తెలిపింది.

2. ప్రైవేట్ స్పేస్: గూగుల్ ప్రకారం.. ఆండ్రాయిడ్ 15లోని ఈ ప్రైవేట్ స్పేస్ ఫీచర్ సెన్సిటివ్ యాప్స్​ వినియోగంలో బాగా ఉపయోగపడుతుంది. మనం ఒక్కసారి ఈ ప్రైవేట్ స్పేస్​ ఫీచర్​ను లాక్​ చేస్తే ఈ యాప్స్​ ఇతరులకు కన్పించవు. దీంతోపాటు యాప్ లిస్ట్​, రీసెంట్ యాప్స్​ వ్యూ, సెట్టింగ్స్, నోటిఫికేషన్స్ కూడా కన్పించకుండా ఉండేందుకు ఈ ఫీచర్​ ఉపయోగపడుతుంది.

3. టాబ్లెట్స్​ అండ్ ఫోల్డబుల్స్​కు మరింత సపోర్ట్: ఆండ్రాయిడ్ 15తో పిక్సెల్ ఫోల్డబుల్ లేదా పిక్సెల్ టాబ్లెట్ ఉన్న యూజర్స్ కస్టమైజ్డ్​ లేఅవుట్​ కోసం స్క్రీన్​పై తమ టాస్క్​బార్​ను పిన్​, అన్​పిన్​ చేయొచ్చు. దీంతోపాటు యాప్స్​ పెయిర్స్ కోసం షార్ట్​కట్స్​ను కూడా సేవ్ చేసుకోవచ్చు. ఇది స్ప్లిట్-స్క్రీన్ సెటప్స్​లో మల్టీ టాస్కింగ్​ను మెరుగుపరుస్తుంది.

• యాప్స్​ పెయిర్:యాప్ పెయిర్ అనేది Samsung మొబైల్ డివైజెస్​లో ఒక ఫీచర్. ఇది మల్టీ-విండో సెషన్‌లో ఒకేసారి రెండు యాప్స్​ను ఓపెన్ చేసేందుకు ఉపయోగపడుతుంది.​

4. శాటిలైట్ కమ్యూనికేషన్: Android 15తో క్యారియర్ మెసేజింగ్ యాప్స్​ మొబైల్ లేదా Wi-Fi కనెక్షన్ లేకుండా మెసెజెస్​ను పంపించేందుకు, రిసీవ్ చేసుకునేందుకు శాటిలైట్ కనెక్టివిటీని యూజ్​ చేసుకోవచ్చని గూగుల్ తెలిపింది.

ఇతర మార్పులు:నోటబుల్ ఛేంజెస్​తో రీడిజైన్​ చేసిన యూజర్ ఇంటర్​ఫేస్​ (UI) ఎలిమెంట్స్, పాస్​కీలకు మెరుగైన సపోర్ట్​, థర్డ్​ పార్టీ యాప్స్​ కోసం అడ్వాన్స్డ్ కెమెరా కంట్రోల్స్ వంటివి ఉన్నాయి.

​Android 15 పనిచేసే పిక్సెల్​ మొబైల్స్​ ఇవే:

• Pixel 6
• Pixel 6 Pro
• Pixel 6a
• Pixel 7
• Pixel 7 Pro
• Pixel 7a
• Pixel Fold
• Pixel Tablet
• Pixel 8
• Pixel 8 Pro
• Pixel 8a
• Pixel 9
• Pixel 9 Pro
• Pixel 9 Pro XL
• Pixel 9 Pro Fold

పిక్సెల్ మొబైల్స్​లో Android 15ని ఇన్‌స్టాల్ చేయడం ఎలా?:

• ఇందుకోసం మొదట మీరు మీ ఎలిజిబుల్ పిక్సెల్​ మొబైల్​లో సెట్టింగ్స్​ యాప్​కి వెళ్లి సిస్టమ్​ మెనును సెలెక్ట్ చేసుకోండి.
• సిస్టమ్​ మెనును కిందికి స్క్రోల్ చేసి సాఫ్ట్​వేర్ అప్​డేట్​ను ఎంచుకోండి.
• సిస్టమ్ అప్‌డేట్‌ల ఆప్షన్​ను ఎంచుకుని స్క్రీన్​ దిగువన కుడివైపున ఉన్న చెక్​ ఫర్ అప్​డేట్​పై ట్యాప్ చేయండి.
• మీ పిక్సెల్​ మొబైల్​లో ఆండ్రాయిడ్ 15 అప్‌డేట్ అందుబాటులో ఉంటే డౌన్​లోడ్ అండ్ ఇన్​స్టాల్ ఆప్షన్​ను ప్రెస్​ చేసి సూచనలను అనుసరించండి.