People Attack Each Other at Court in Peddapalli District : పెద్దపల్లి జిల్లా సుల్తానాబాద్‌లో మున్సిఫ్ కోర్టు ఎదుట రెండు వర్గాలకు చెందిన సుమారు 50 మంది పరస్పర దాడులకు పాల్పడ్డారు. కరీంనగర్ జిల్లా మానకొండూరు మండలం పోచంపల్లికి చెందిన కొంతమంది సుల్తానాబాద్‌కు వచ్చి కోర్టు ఆవరణలో పంచాయితీ నిర్వహించుకున్నారు. ఈ క్రమంలో రెండు వర్గాల మధ్య వాగ్వావాదం జరిగి ఘర్షణ చెలరేగింది.
దాదాపు 50 మంది పసర్పరం పిడిగుద్దులు, కర్రలతో దాడి చేసుకున్నారు. మహిళలు సైతం ఒకరిపై ఒకరు విచక్షణా రహితంగా దాడులు చేసుకున్నారు. ఈ గొడవ సాయంత్రం వేళ కోర్టు ముందు జరగడంతో జిల్లా వ్యాప్తంగా చర్చనీయాంశంగా మారింది. ఈ దృశ్యాలను అక్కడున్న కొంతమంది తమ మొబైల్ ఫోన్లో చిత్రీకరించారు. ఘటనపై విచారణ చేస్తున్నామని సుల్తానాబాద్ పోలీసులు వెల్లడించారు.