లారీ డీజిల్​ ట్యాంకులో చెలరేగిన మంటలు- పెట్రోల్​ బంకులో తప్పిన ప్రమాదం - Lorry catches fire at petrol Bunk

Lorry catches Fire At petrol Bunk : పెట్రోల్​ బంకులో ఇంధనం నింపడానికి వచ్చిన లారీ ట్యాంకులో అకస్మాత్తుగా మంటలు చెలరేగిన ఘటన యాదాద్రి భువనగిరి జిల్లాలో జరిగింది. ​బంకు సిబ్బంది అప్రమత్తమై మంటలను ఆర్పివేయడంతో పెను ప్రమాదం తప్పింది. భారీ ప్రమాదం తప్పినందుకు అక్కడ ఉన్న అందరూ ఊపిరి పీల్చుకున్నారు.

Lorry catches Fire At petrol Bunk : డీజిల్ కోసమని పెట్రోల్​ బంక్​కు వచ్చిన లారీ నుంచి ఒక్కసారిగా మంటలు చెలరేగాయి. డీజిల్​ నింపడానికి సిద్ధమవుతున్న సమయంలో లారీ ట్యాంక్​ నుంచి మంటలు వచ్చాయి. అసలు అక్కడ ఏం జరుగుతుందో తెలుసుకునేంతలోపే లారీ ఇంజిన్​ నుంచి దట్టమైన పొగలు రావడం ప్రారంభించాయి. ఈ ఊహించని పరిణామానికి ఒక్కసారిగా పెట్రోల్​బంకు సిబ్బంది భయాందోళనలకు గురయ్యారు.

వెంటనే తేరుకుని చాకచక్యంగా వ్యవహరించి అగ్నిమాపక పరికరాలతో మంటలను ఆర్పివేశారు. దీంతో పెను ప్రమాదం తప్పింది. మంటలు అదుపులోకి రావడంతో అందరూ ఒక్కసారిగా ఊపిరి పీల్చుకున్నారు. ఈ ఘటన యాదాద్రి భువనగిరిజిల్లా భువనగిరి పట్టణంలో జరిగింది. కాగా ఈ ప్రమాదంలో ఎలాంటి ప్రాణనష్టం జరగలేదు.

ప్రమాద వివరాలిలా :పెట్రోల్​ బంకు సిబ్బంది వివరాల ప్రకారం భువనగిరి పట్టణంలోని రిలయన్స్​ పెట్రోల్​ బంకు వద్దకు డీజిల్​ ఫిల్ చేయించడానికని ఓ లారీ వచ్చింది. అయితే వచ్చిన కాసేపట్లోనే లారీ అయిల్​ ట్యాంక్​ నుంచి మంటలు చెలరేగాయి. దీన్ని గమనించిన పెట్రోల్​ బంకు సిబ్బంది వెంటనే అప్రమత్తమయ్యారు. సమీపంలో ఉన్నటువంటి అగ్నిమాపక పరికరాల ద్వారా మంటలను ఆర్పివేశారు. దీంతో మంటలు అదుపులోకి వచ్చాయి. ఈ ఊహించని పరిణమానికి అందరూ ఒక్కసారిగా ఆశ్చర్యానికి గురయ్యారు. ఈ ఘటనకు సంబంధించిన దృశ్యాలు సీసీటీవీ కెమెరాలో రికార్డయ్యాయి. మంటలు చల్లార్చడంలో ఏమాత్రం అశ్రద్ధ వహించిన భారీ ప్రమాదం జరిగి ఉండేది.

Fire Accident at Petrol Bunk :ఇలాంటి ఘటనే కొద్ది రోజుల క్రితం కరీంనగర్ జిల్లాలో చోటుచేసుకుంది. పెట్రోల్​ బంకులో ఇంధనం ఫిల్​ చేయడానికి లారీలో మంటలు చెలరేగాయి. పెట్రోల్​ బంకు సిబ్బంది అప్రమత్తమై హుటాహుటిన మంటలను ఆర్పివేశారు. తృటిలో పెను ప్రమాదం తప్పినందుకు సిబ్బంది ఊపిరి పీల్చుకున్నారు.

ప్రమాద వివరాలిలా. కరీంనగర్​ జిల్లా గంగాధర మండలానికి చెందిన ఒద్యారంలోని పెట్రోల్​ బంక్​కు డీజిల్​ ఫిల్​ చేసుకోవడానికి టిప్పర్ వచ్చింది. డీజిల్​ నింపడానికి సిద్ధమవుతున్న సమయంలో టిప్పర్​ ఇంజిన్​ నుంచి మంటలు చెలరేగాయి. వెంటనే అప్రమత్తమైన సిబ్బంది మంటలను అగ్నిమాపక పరికరాలతో ఆర్పివేశారు. ఈ మధ్య తరచూ ఏదో ఓ చోట అగ్నిప్రమాదాలు జరుగుతుండగం ప్రజల్లో ఆందోళన కలిగిస్తుంది. వేసవి కాలం నేపథ్యంలో మంటలు వేగంగా అంటుకుంటున్నాయి. అగ్నిమాపక అధికారులు ప్రమాదాల నివారణకు ఎన్ని చర్యలు తీసుకున్నప్పటికీ ఇలాంటి ఘటనలు జరగడం చర్చనీయాంశమైంది.