దసరా రోజు మటన్​ వండాల్సిందే! సరిగా ఉడకట్లేదా? ఇలా చేయండి

దసరా పండగ వచ్చిందంటే ప్రతి ఇంట్లో నాన్​ వెజ్​ ఉండాల్సిందే. అందులోనూ మటన్​ ముక్కలు ఉంటే ఆ మజానే వేరు. మరి మటన్​ వండేటప్పుడు ముక్కలు సరిగ్గా ఉడకడం లేదా? ఈ టిప్స్​ పాటించండి.

Easy Tips Cooking Mutton Properly : చికెన్, మటన్, చేపలు, రొయ్యలు.. నాన్‌వెజ్ వంటకం ఏదైనా సరే వండాలంటే కూరగాయలతో పోలిస్తే అంతా ఈజీ కాదు. మటన్ గురించైతే ప్రత్యేకంగా చెప్పనక్కర్లేదు. కుక్కర్​లో పెట్టి ఎన్ని విజిల్స్​ వచ్చినా.. తీసి చూస్తే ముక్క ఇంకా గట్టిగానే ఉంటుంది. కొన్ని సింపుల్​ టెక్నిక్​ పాటిస్తే మటన్​ని ఈజీగా ఉడికించవచ్చు. గ్యాస్ కూడా ఆదా అవుతుంది. అవెంటో తెలుసుకుందామా?

రాక్​ సాల్ట్​ :

మాంసం కడిగిన నీళ్లు మొత్తం పోయేలా బాగా వడకట్టాలి. ఆపై ఆ మటన్​లో కొద్దిగా రాక్​ సాల్ట్​ (మామూలు ఉప్పు కాదు రాళ్ల ఉప్పు) వేసి బాగా కలిపి ఒక గంట మ్యారినేట్​ చేసుకోవాలి. ఆ తర్వాత మన రెగ్యులర్​ పద్దతిలోనే వండుకుంటే చాలా త్వరగా ఉడికిపోతుంది

టీ :

మటన్​ని వండే ముందే టీ డికాషన్ (చక్కెర వేయకూడదు) వడబోసి, దాన్ని మనం ముందే కడుక్కుని ఉంటుకుని మటన్​లో పోసి ఒక గంటపాటు అలా పక్కకు పెట్టుకోవాలి. ఇలా కూడా మటన్​ చాలా త్వరగా ఉడుకుతుంది. టీలో ఉండే ట్యానిన్లు మటన్​ని త్వరగా, మెత్తగా ఉడికేలా చేస్తాయి.

వెనిగర్ లేదా నిమ్మరసం :

వెనిగర్ లేదంటే నిమ్మ రసం కూడా మటన్​ త్వరగా ఉడికేందుకు ఉపయోగపడుతాయి. ఇవి యాసిడ్​ గుణాలు కలిగి ఉంటాయి కాబట్టి మటన్​ని త్వరగా ఉడికేందుకు తోడ్పడంతో పాటు కర్రీకి మంచి ఫ్లేవర్​ వస్తుంది.

టమాటాలు :

టమాటాల్లోనూ యాసిడ్​ గుణం ఉంటుంది. వీటిని పేస్ట్ చేసి వేసినా లేదంటే టమాటా సాస్​ వేసిన మనకు రిజల్ట్​ వస్తుంది. తెలంగాణలో ఎక్కువమంది నాన్​వెజ్​లో టమాటా వాడటం కామన్​ అయితే వీళ్లంతా టమాటాని డైరెక్టుగా ముక్కలు కోసి కర్రీలో వేసేస్తారు. మరికొంతమంది సాస్​ వేస్తారు. కర్రీ ఉడికిన తర్వాత చివర్లో ఎక్కువమంది వేస్తూ ఉంటారు. కాకపోతే తాళింపు వేసినప్పుడే వీటిని వేసుకోవడం వల్ల మటన్​ త్వరగా ఉడుకుతుంది.

బొప్పాయి ఆకు :

మటన్ మెత్తగా ఉడకడానికి బొప్పాయి ఆకు లేదా పచ్చిబొప్పాయిని ఉపయోగించడం చాలా మంచి చిట్కా. ఇందులో ఉండే పెపైన్‌ అనే పదార్థం మాంసంలోని బంధాలు విడిపోవడానికి, తద్వారా అది మెత్తగా మారడానికి ఉపయోగపడుతుంది.

అల్లం తురుము :

అల్లంలో ఉండే కొన్ని రకాల ఎంజైమ్‌ల వల్ల మటన్​ త్వరగా, మెత్తగా ఉడుకుతుంది. నార్మల్​గా మనం కర్రీ వండేటప్పుడు అల్లం వెల్లుల్లి పేస్ట్‌ను తప్పనిసరిగా వాడతాం. అలా కాకుండా అల్లం పేస్ట్​ను ముందే వేసి మటన్​ ఉడికిన తర్వాత వెల్లుల్లి పేస్ట్ వేసుకోవడం వల్ల మటన్​ త్వరగా కుక్​ అవుతుంది.

పెరుగు :

మటన్ వండేముందే ఓ గంటసేపు పెరుగులో నానబెడితే సరిపోతుంది. మటన్ చాలా అంటే చాలా త్వరగా ఉడుకుతుంది. పెరుగు లేదంటే మజ్జిగ అయినా వాడొచ్చు ఫర్లేదు. ఈ పెరుగు, మజ్జిగ వల్ల మన బాడీకి క్యాల్షియం కూడా అందుతుంది.

పండ్లు కూడా..! :

మటన్ త్వరగా మెత్తగా ఉడకేందుకు మన ఇంట్లో రెగ్యులర్​గా ఉండే ఫ్రూట్స్​ను కూడా యూజ్​ చేయవచ్చు. కివీ, పైనాపిల్, బొప్పాయి లాంటి పండ్లలో ఉన్న ఎంజైమ్స్ మటన్ తొందరగా ఉడకడానికి సహకరిస్తాయి. వీటిలో ఏదో ఒక పండును తీసుకొని పేస్త్​ చేసుకుని దాన్ని మటన్​లో వస్తే చాలు. ఎక్కువగా వేశామంటే మటన్​ కూర అసలు రుచి మారిపోతుంది. కాబట్టి కొద్దిగా వేస్తే చాలు. ఇలా ఫ్రూట్​ మటన్​ కర్రీ టేస్ట్​ ఇష్టపడేవాళ్లు ఉన్నారండోయ్​