Margadarshi 119 Branch Open :విశ్వసనీయతకు మారుపేరు, నమ్మకానికి అమ్మ వంటి మార్గదర్శి చిట్ఫండ్ ప్రైవేటు లిమిటెడ్ సంస్థ తన 119వ బ్రాంచ్ను కర్ణాటక రాజధాని బెంగళూరులో ప్రారంభించింది. బెంగళూరులోని కెంగేరిలో మార్గదర్శి చిట్ఫండ్ మేనేజింగ్ డైరెక్టర్ శైలజా కిరణ్ బ్రాంచ్ను ప్రారంభించారు. ముందుగా రిబ్బన్ కట్ చేసి.. పూజలు చేశారు. అనంతరం ఉద్యోగులతో కాసేపు మాట్లాడారు. బ్రాంచ్ మొదటి కస్టమర్ నుంచి చిట్ కట్టించుకున్నారు. బ్రాంచ్లో ఉద్యోగులతో మార్గదర్శి ఎండీ శైలజా కిరణ్ సరదాగా గడిపారు. కర్ణాటక, తమిళనాడు రాష్ట్రాల్లో కొత్త శాఖలు ప్రారంభించనున్న సందర్భంగా మార్గదర్శి చిట్ఫండ్ ఎండీ శైలజా కిరణ్ మంగళవారం మీడియాతో మాట్లాడారు.
బెంగళూరులోని కెంగేరిలో బ్రాంచ్ను ప్రారంభించడం మా లక్ష్యంలో ఒక ముఖ్యమైన ముందడుగు. 2000లో కర్ణాటకలో మార్గదర్శి చిట్‌ఫండ్స్‌ను ప్రారంభించాం. ఇప్పుడు 24 ఏళ్లు పూర్తి చేసుకుంది. బెంగళూరుకు 40 కిలోమీటర్ల దూరంలో ఉన్న కెంగేరిలో ఇవాళ 25వ బ్రాంచ్ను ప్రారంభించాం. వచ్చే నెలలో కర్ణాటకలోనే మరికొన్ని బ్రాంచ్‌లను తెరిచేందుకు సన్నాహాలు చేస్తున్నాం. మా చందాదారులు తమ కలలను నేరవేర్చుకునేందుకు వారికి సహాయపడటానికి సురక్షితమైన, పారదర్శకమైన, క్రమశిక్షణతో కూడిన పొదుపు ఎంపికలను అందించడానికి మార్గదర్శి చిట్ఫండ్ ఎప్పుడు ముందుంటుంది - శైలజా కిరణ్, మార్గదర్శి చిట్ఫండ్ ఎండీ
Margadarshi New Branch Open :సాయంత్రం తమిళనాడులోని హోసూరులో 120వ బ్రాంచ్ ప్రారంభం కానుంది. అత్యంత విశ్వసనీయమైన, కస్టమర్ ఫ్రెండ్లీ మార్గదర్శి చిట్ఫండ్ కంపెనీ కర్ణాటక, తెలంగాణ, ఆంధ్రప్రదేశ్, తమిళనాడు రాష్ట్రాల్లో విస్తరించి ఉంది. నమ్మకమే మారుపేరుగా అందరి మదిలో మార్గదర్శి సుస్థిర స్థానం సంపాదించుకుంది.
విశ్వసనీయతే ఆయుధం :1962లో ప్రారంభమైన మార్గదర్శి చిట్ ఫండ్ విశ్వాసం, విశ్వసనీయతకు మారుపేరుగా ఉందని మార్గదర్శి చిట్ఫండ్ మేనేజింగ్ డైరెక్టర్ శైలజా కిరణ్ తెలిపారు. 60 లక్షల మంది సబ్స్కైబర్లకు సేవలు అందిస్తోందని చెప్పారు. అలాగే రూ.9,396 కోట్ల టర్నోవర్ సాధించిందని పేర్కొన్నారు. క్రమశిక్షణ, పారదర్శకత, సమగ్ర, ఆర్థిక ప్రతిదానికి భరోసానిస్తూ చందాదారుల డబ్బు సురక్షితమైన చేతుల్లో ఉందని ఎప్పుడు మరిచిపోవద్దని శైలజా కిరణ్ స్పష్టం చేశారు.