టీచర్ బదిలీల షెడ్యూల్ విడుదల - ఎప్పటినుంచంటే - Teachers Transfer Schedule

Teachers Transfer Schedule 2024 : కోర్టు కేసులతో నిలిచిపోయిన ఉపాధ్యాయుల బదిలీ, పదోన్నతులకు రాష్ట్ర విద్యాశాఖ షెడ్యూల్ విడుదల చేసింది. రేపటి నుంచి ఈనెల 30వరకు బదిలీలు, పదోన్నతులు చేపట్టనున్నట్లు స్పష్టం చేసింది. టెట్‌తో సంబంధం లేకుండానే ఉపాధ్యాయ పదోన్నతులు చేపట్టనున్నట్లు విద్యాశాఖ పేర్కొంది.

Teachers Transfer Schedule details :రాష్ట్రప్రభుత్వం ఉపాధ్యాయుల బదిలీ, పదోన్నతుల షెడ్యూల్ విడుదల చేసింది. రేపటి నుంచి ఉపాధ్యాయుల బదిలీ, పదోన్నతులు ప్రారంభం కానున్నాయి. పదవీ విరమణకి 3 ఏళ్లలోపు ఉన్న వారికి తప్పనిసరి బదిలీ నుంచి మినహాయింపు నిచ్చింది. మల్టీ జోన్ 1లో రేపటి నుంచి ఈ నెల 22 వరకు బదిలీలు, పదోన్నతులు కల్పించనున్నారు. అలాగే మల్టీ జోన్ 2లో రేపటి నుంచి ఈ నెల 30 వరకు బదిలీలు, పదోన్నతులు చేపట్టనున్నారు. కోర్టు కేసులతో గతంలో ఎక్కడ ప్రక్రియ ఆగిపొయిందో అక్కడి నుంచి బదిలీల ప్రక్రియ ప్రారంభించనున్నారు. టెట్‌తో సంబంధం లేకుండానే ఉపాధ్యాయుల పదోన్నతులు చేపట్టనున్నట్లు విద్యాశాఖ స్పష్టం చేసింది.