Girl escapes from Kidnappers :ఆంధ్రప్రదేశ్లోని గుంటూరు జిల్లా వెంగళరావునగర్‌లో బాలిక అపహరణం కలకలం రేపింది. ఆమె తల్లికి రోడ్డు ప్రమాదం జరిగిందని మాయమాటలు చెప్పి గుర్తు తెలియని దుండగులు బాలికను కారులో తీసుకెళ్లారు. విజయవాడ మీదుగా బాలికను తీసుకెళ్లేందుకు ముఠా ప్లాన్ వేసింది. విజయవాడ బస్టాండ్‌ సమీపంలో కారు ఆపి ముఠా సభ్యులు భోజనానికి వెళ్లారు.
ఈ క్రమంలోనే కారు డోర్‌కు లాక్‌ పడకపోవడంతో సదరు బాలిక తప్పించుకుంది. విజయవాడ బస్టాండ్‌ కంట్రోల్‌ రూమ్ సిబ్బందికి ఈ విషయాన్ని తెలియజేసింది. దీనిపై వెంటనే స్పందించి అప్రమత్తమైన ఆర్టీసీ సిబ్బంది కిడ్పాపర్ల నుంచి బాలికను సురక్షితంగా రక్షించారు. ఈ విషయం తెలుసుకున్న కిడ్నాపర్లు కారును అక్కడే వదిలిపెట్టి పరారయ్యారు. ఈ ఘటనపై ఆర్టీసీ సిబ్బంది పోలీసులకు సమాచారమిచ్చారు. ఘటనా స్థలానికి చేరుకున్న స్థానిక పోలీసులు కిడ్నాపర్లు వినియోగించిన కారును స్వాధీనం చేసుకున్నారు.
ముసుగులో వచ్చి శిశువును కిడ్నాప్ చేసిన గ్యాంగ్ :కొద్ది రోజుల క్రితం ఇలాంటి ఘటనే సంగారెడ్డి జిల్లాలో జరిగింది. సంగారెడ్డి జిల్లా ఆసుపత్రిలో ఓ శిశువు అపహరణకు గురైంది. బాధితులు కంప్లైంట్ మేరకు రంగంలోకి దిగిన పోలీసులు శిశువు కిడ్నాపైన 30 గంటల్లోనే కేసును ఛేదించి పసిబిడ్డను కాపాడగలిగారు. ఈ ఘటనకు సంబంధించి వివరాలిలా ఉన్నాయి. పోలీసులు బాధితులు తెలిపిన వివరాల ప్రకారం సంగారెడ్డి జిల్లా మనూరు మండలంలోని దుడికొండ గ్రామానికి చెందిన అబ్బాస్ అలీ భార్య నశిమా 5 కాన్పునకు జిల్లా ప్రభుత్వ ఆసుపత్రికి వచ్చింది. సిజేరియన్ ద్వారా ఆమె ఆడ శిశువుకు జన్మనిచ్చింది. అయితే కొంత సమయానికే శిశువు అపహరణకు గురైంది. దీంతో పోలీసులకు ఫిర్యాదు చేయడంతో దర్యాప్తును వేగవంతం చేసిన పోలీసులు పాపను హైదరాబాద్లో గుర్తించారు.
హైదరాబాద్ వ్యాపారవేత్త కిడ్నాప్ కేసు - చాకచక్యంగా ఛేదించిన పోలీసులు - HYDERABAD BUSINESSMAN KIDNAP CASE
సాఫ్ట్వేర్ ఇంజినీర్ కిడ్నాప్ కేసును ఛేదించిన పోలీసులు - ఐదుగురు నిందితుల అరెస్ట్
