Constable Murder Case Update :హయత్‌నగర్‌ పోలీస్‌ స్టేషన్‌లో విధులు నిర్వహిస్తున్న కానిస్టేబుల్‌ హత్య కలకలం రేపింది. కులాంతర వివాహం చేసుకుందనే కోపం, ఎకరం భూమి తనకివ్వలేదనే కక్షతో సొంత అక్కను తమ్ముడే కిరాతకంగా హత్య చేశాడు. హైదరాబాద్‌ శివారు ఇబ్రహీంపట్నం పోలీస్‌ స్టేషన్ పరిధిలో ఈ దారణం జరిగింది.
పోలీసులు తెలిపిన వివరాల ప్రకారం, రంగారెడ్డి జిల్లా ఇబ్రహీంపట్నం మండలం రాయపోల్‌ గ్రామానికి చెందిన కొంగర నాగమణి (27) 2020లో కానిస్టేబుల్‌ ఉద్యోగానికి ఎంపికయ్యారు. ప్రస్తుతం హయత్‌నగర్‌ స్టేషన్‌లో విధులు నిర్వహిస్తున్నారు. ఆమెకు అక్క, తమ్ముడు ఉన్నారు. చిన్నతనంలోనే తల్లిదండ్రులు మరణించడంతో వాళ్ల పెద్దనాన్న దగ్గరే పెరిగారు. కాగా పదేళ్ల కిందట నాగమణికి పెళ్లైంది.
భర్తతో మనస్పర్ధలు రావడంతో 2022లో విడాకులు తీసుకుంది. అనంతరం స్వగ్రామానికే చెందిన చిన్ననాటి స్నేహితులుడు బండారి శ్రీకాంత్‌ను ప్రేమించింది. ఇద్దరూ పెళ్లి చేసుకోవాలని నిర్ణయించుకున్నారు. శ్రీకాంత్‌ తక్కువ కులానికి చెందిన వాడనే కారణంతో సోదరుడు పరమేశ్ పెళ్లికి ఒప్పుకోలేదు. ఈ విషయంలో ఇంట్లో పలుమార్లు గొడవలు జరిగాయి. సోదరుడు, పెద్దలు అంగీకరించకపోయినా ఇద్దరు ఈ ఏడాది నవంబరు 10న యాదగిరి గుట్టలో పెళ్లి చేసుకున్నారు. తమ్ముడితో ముప్పు ఉంటుందని భావించిన నాగమణి ఇబ్రహీంపట్నం పోలీసులను సంప్రదించి రక్షణ కోరగా వారు ఇరు కుటుంబాలని పిలిపించి సర్ది చెప్పారు. ప్రస్తుతం నాగమణి దంపతులు మన్సూరాబాద్‌లో ఉంటున్నారు.
మత్తు మందు ఇచ్చి, ఒంటికి నిప్పంటించి - ఆ 'బంగారం' కోసం భార్యపై భర్త ఘాతుకం