CPM Leaders Protest Supply of Polluted Water in Vijayawada :విజయవాడ నగర నడిబొడ్డు పశ్చిమ నియోజకవర్గం కొండప్రాంతాలలో కలుషిత నీరు సరఫరా చేయడం దారుణమని సీపీఎం నగర కార్యదర్శి సత్యబాబు ఆగ్రహం వ్యక్తం చేశారు. గొల్లపాలెం గట్టు ప్రాంతంలో సీపీఎం నాయకులు ఆందోళన చేశారు. అధికారులు వెంటనే మంచినీటి పైప్ లైన్ లను మరమ్మతు చేసి స్వచ్ఛమైన నీటిని అందించాలని డిమాండ్ చేశారు.
Contaminated Drinking Water :కృష్ణమ్మ చెంతనే ఉన్న నగరవాసులకు తాగునీటి కష్టాలు తప్పడం లేదని సత్యబాబు పేర్కొన్నారు. కృష్ణానది నీరు అంటేనే రాష్ట్ర ప్రజలు భయపడే పరిస్థితి వచ్చిందని తెలిపారు. ప్రజాప్రతినిధులు, అధికారుల నిర్లక్ష్యం కారణంగా నగరవాసుల ప్రాణాలు గాల్లో దీపాలుగా మారాయని ఆరోపించారు. మొగల్రాజపురంలో ఇప్పటికే నలుగురు మరణించిన విషయాన్ని తెలియజేశారు. వాంతులు, వీరేచనాలతో వందల సంఖ్యలో ప్రభుత్వ ఆసుపత్రుల్లో చేరారని పేర్కొన్నారు.
జలమా! హాలాహలమా? - ప్రజల ప్రాణాలను కాటేస్తున్న కలుషిత నీరు - Contaminated Drinking Water
Officers Neglect Drinking Water Supply :నగరంలో సామాన్యులపై చెత్త పన్నులు, ఇతర పన్ను భారాలు మోపే నగర పాలక సంస్థ అధికారులు వారికి స్వచ్ఛమైన నీరు ఇవ్వటానికి ఎందుకు నిర్లక్ష్యం వహిస్తున్నారో తెలపాలని సత్యబాబు డిమాండ్ చేశారు. నగరంలోని మొగల్రాజపురంలో కలుషిత నీటిని తాగి పలువురు మృతి చెందినా మునిసిపల్ కార్పొరేషన్ అధికారులు ఇంకా నిర్లక్ష్యం వహిస్తున్నారని ఆరోపించారు. ఇప్పటికీ కూడా పలు ప్రాంతాల్లో కలుషిత తాగునీటిని సరఫరా చేయటం దారుణమని వాపోయారు.