హైదరాబాద్​లో కామిక్ షో - సూపర్ హీరోల సందడి

Comic Con Exhibition in Hyderabad 2024 : వారాంతాల్లో నగరవాసులకు అలరించేలా క్రించిరోల్ ఆధ్వర్యంలో కామిక్ కాన్ షో ఏర్పాటు చేశారు. టీవీలు, థియేటర్లలో వచ్చే కామిక్ షోలలో వచ్చే క్యారెక్టర్ల రూపంలో అభిమానులు భారీగా తరలి వచ్చారు. ఈ ప్రదర్శనలో కామిక్ ఆర్ట్​కు సంబంధించిన పుస్తకాలు, దుస్తులు, బొమ్మలు చూపరులను ఆకట్టుకున్నాయి. నగర వాసులకు కాస్త వినోదం అందించటానికి ఈ కామిక్‌ కాన్‌ షో ప్రదర్శిస్తున్న సందర్భంగా ఈటీవీ భారత్ ప్రత్యేక కథనం.

Comic Con Exhibition in Hyderabad 2024 :ఆపదలో చిక్కుకున్న వారిని స్పైడర్ రూపంలో ఉండే వ్యక్తి సాహసించి రక్షిస్తాడని మనం సినిమాలో చూసే ఉంటాం. ఒక ప్రాంతాన్ని, దేశాన్నికానీ ఎవరైన ఇబ్బందులకు గురి చేసినా ప్రజలందరికి రక్షించడానికి సూపర్ హిరోలు అందరు ఏకమై దేశాన్ని కాపాడుతారు ఈ తరహా చిత్రాలను చిన్నపెద్ద తేడా లేకుండా చూస్తుంటారు. కామిక్ పాత్రలకు ప్రపంచ వ్యాప్తంగా కోట్ల మంది అభిమానులు ఉన్నారు. నేటి కాలంలో కామిక్ షోలు అనేకం వస్తున్నా స్పైడర్ మాన్, సూపర్ మ్యాన్, హల్క్, ఐరన్ మ్యాన్ (Iron Man) లాంటి క్యారెక్టర్లకు ఆదరణ ఏమాత్రం తగ్గలేదు. ఇలాంటి ఎన్నో కామిక్ క్యారెక్టర్లకు హైటెక్స్ వేదికగా నిలిచింది. క్రించిరోల్ ఆధ్వర్యంలో ఏర్పాటు చేసిన కామిక్ కాన్​కు విశేష స్పందన వచ్చింది. ఈ కార్యక్రమానికి పిల్లలు, యువకులు భారీ సంఖ్యలో తరలి వచ్చారు.

Hyderabad Comic Con Exhibition : కామిక్ షోలో ఉండే వివిధ పాత్రలకు కేవలం చిన్నారులే కాదు వైద్యులు, ఇంజినీర్లు, సాఫ్ట్‌వేర్‌ ఉద్యోగులు అభిమానులుగా ఉన్నారు. ఆ పాత్రలపై అభిమానం చాటుకునేలా వివిధ కామిక్ క్యారెక్టర్ల వేషధారణలో వచ్చారు. కామిక్ షోలో పాల్గొన్న వారందరూ తమ నిజ జీవితంలో ఊహించుకుంటున్నారు. వారిలో పాఠశాల విద్యార్థుల నుంచి వృత్తి నిపుణుల వరకు ఆసక్తికరమైన వేషధారణలో వచ్చి అక్కడున్న వారిని ఆకట్టుకున్నారు.

"చిన్నప్పటి నుంచి కామిక్ షోలు చూస్తున్నాం. అందులో కొన్ని క్యారక్టర్స్ చాలా ఆసక్తిగా ఉంటాయి. అలాంటి క్యారక్టర్స్ మమ్మల్ని ప్రభావితం చేస్తాయి. మేము కూడ అలా అవ్వాలి అనుకుంటాం. ఆ కామిక్ షో అనగానే మాకు నచ్చిన క్యారక్టర్ వేయాలి అనుకున్నాం. ప్రతి సంవత్సరం ఇందులో పాల్గొంటాం. ప్రొఫెషన్ వేరైనా మాకు నచ్చిన పాత్రల వేషాదారణ వేయడం చాలా ఆనందంగా ఉంది. చాలామంది మాతో ఫొటోలు తీసుకుంటున్నారు." - సందర్శకులు

శనివారం ప్రారంభమైన ఈ ప్రదర్శనలో స్టాళ్లు కూడా ఏర్పాటు చేసి జనాల దృష్టిని ఆకర్షిస్తున్నారు. తమకు నచ్చిన వస్తువులు కొనుగోలు చేస్తున్నారు. వాటితో పాటు అధునాతన ప్రాసెసర్ల సహాయంతో గేమింగ్‌ షో ఏర్పాటు చేయడంతో యువకులు వీడియో గేమ్‌లు ఆడుతున్నారు. దీంతో కామిక్ కాన్‌క్లేవ్‌ షో, మరోవైపు గేమింగ్‌తో ఆ ప్రాంగణం సందడి వాతావణం నెలకొంది. ఈ కామిక్ కాన్‌క్లేవ్‌ షోలో (Comic Con Clave Show) వివిధ పాత్రల్లో ఉత్తమ ప్రతిభ కనబర్చిన వారిని ఎంపిక చేసి నగదు బహుమతిని నిర్వాహకులు ప్రధానం చేయనున్నారు.