చంద్రబాబుకు స్పెషల్ గిఫ్ట్ - 'మై ఫ్రెండ్‌ బిల్‌గేట్స్‌కు థాంక్స్‌' అంటూ సీఎం ట్వీట్

'సోర్స్ కోడ్' పేరిట బిల్‌గేట్స్ పుస్తకం విడుదల చేస్తున్నారన్న చంద్రబాబు - త్వరలో విడుదల చేసే పుస్తక కాపీ బహుకరించినందుకు ధన్యవాదాలు తెలిపిన సీఎం

CM Chandrababu on Bill Gates 'Source Code' Book : మైక్రోసాఫ్ట్‌ వ్యవస్థాపకుడు తన స్నేహితుడు, బిల్ గేట్స్ 'సోర్స్ కోడ్' పేరిట త్వరలో విడుదల చేయబోయే పుస్తక కాపీని తనకు బహుకరించినందుకు ముఖ్యమంత్రి చంద్రబాబు ధన్యవాదాలు తెలిపారు. బిల్‌గేట్స్‌ జీవిత ప్రయాణంలోని అనుభవాలు, పాఠాలను ఓ జ్ఞాపకంగా పుస్తక రూపంలో అందించారని తెలిపారు. కళాశాలను వదిలి మైక్రోసాఫ్ట్‌ను ప్రారంభించాలనే అతని నిర్ణయం వరకు కథ స్ఫూర్తిదాయకమని ఎక్స్​లో వెల్లడించారు. ఈ సందర్భంగా బిల్ గేట్స్‌కు చంద్రబాబు శుభాకాంక్షలు తెలిపారు.