Actor Shobitha Suicide Case Update : హైదరాబాద్ గచ్చిబౌలిలోని తన నివాసంలో ఆదివారం ఉరేసుకొని చనిపోయిన కన్నడ సీరియల్ నటి శోభితది ఆత్మహత్యేనని మాదాపూర్ డీసీపీ వినీత్ వెల్లడించారు. శోభిత మృతిపై కుటుంబసభ్యులకు ఎలాంటి అనుమానాలు లేవని తెలిపారు. ఆమె ఆత్మహత్యకు గల కారణాలు తెలియాల్సి ఉందని పేర్కొన్నారు.. కుటుంబ సభ్యులకు శోభిత మృతదేహాన్ని అప్పగించినట్లు డీసీపీ వినీత్ చెప్పారు. ఈ కేసు విషయంలో పోలీసులు ముమ్మరంగా దర్యాప్తు చేశారు.
అసలేం జరిగింది :ఆదివారంహైదరాబాద్లోని గచ్చిబౌలిలో కన్నడ సీరియల్ నటి శోభిత ఆత్మహత్య చేసుకున్నారు. ఈ క్రమంలో పోలీసులకు కుటుంబ సభ్యులు ఫిర్యాదు చేశారు. ఇంటికి చేరుకున్న పోలీసులు ఆమె ఇంట్లో సూసైడ్ నోట్ను స్వాధీనం చేసుకున్నారు. ఇప్పటికే ప్రాథమిక దర్యాప్తులో భార్యాభర్తల మధ్య ఎలాంటి విభేదాలు లేవని పోలీసులు గుర్తించారు. మానసికంగా ఆత్మహత్య చేసుకుందా? లేదా ఇతర కారణాలా అనే కోణంలో దర్యాప్తు చేపట్టనున్నారు. శోభిత భర్త సుధీర్ రెడ్డితో పాటు ఇంటి చుట్టుపక్కల వారి స్టేట్‌మెంట్లను పోలీసులు రికార్డు చేశారు.