టీమ్ఇండియా జెర్సీలో విరాట్​ - అయోధ్య సన్నిధిలో సందడి !

Virat Kohli Doppelganger Ayodhya : అయోధ్య రామ మందిర ప్రాణ ప్రతిష్ఠ సందర్భంగా ఎంతో మంది ప్రముఖులు హాజరయ్యారు. ప్రస్తుతం వారికి సంబంధించిన ఫొటోలు, వీడియోలు ట్రెండ్ అవుతోంది. అయితే ఓ వీడియో మాత్రం క్రికెట్ లవర్స్ దృష్టిని ఆకర్షించింది. ఇంతకీ అదేంటంటే ?

Virat Kohli Doppelganger Ayodhya :రామ మందిర ప్రాణ ప్రతిష్ఠ వేడుకతో అయోధ్య మొత్తం రామ నామ స్మరణతో మార్మోగిపోతోంది. సోమవారం జరిగిన ఈ వేడుకకు హాజరై రామ్​ లల్లాను తిలకించేందుకు ఎంతో మంది ప్రజలు బారులు తీరారు. అందులో సెలబ్రిటీలు కూడా ఉన్నారు. ఈ క్రమంలో ఇప్పటికే ఎంతో మంది సినీ, క్రీడా, రాజకీయ ప్రముఖులు ఈ వేడుకకు వచ్చారు. చిరంజీవి, రజనీకాంత్​ రామ్​ చరణ్​, పవన్​ కల్యాణ్​, ఆలియా, రణ్​బీర్​ కపూర్ లాంటి సినీ స్టార్స్​తో పాటు సచిన్​, రవీంద్ర జడేజా,అనిల్​కుంబ్లే ఈ వేడుకలో స్పెషల్​ అట్రాక్షన్​గా నిలిచారు. ప్రస్తుతం వీరికి సంబంధించిన వీడియోలు సోషల్ మీడియాలో ట్రెండ్ అవుతున్నాయి. అయితే టీమ్ఇండియా స్టార్ క్రికెటర్ విరాట్ కోహ్లీ ఫ్యాన్స్​కు మాత్రం నిరాశే మిగిలింది. వేడుకకు హాజరైన ప్రముఖులలో విరుష్క జంట కనిపించలేదు. అయితే కొన్ని కారణాల వల్ల వాళ్లిద్దరు అయోధ్యకు రాలేకపోయారట. దీంతో విరుష్క అభిమానులు ఆవేదన వ్యక్తం చేస్తున్నారు.

అయితే తాజాగా విరాట్​కు సంబంధించిన వీడియో ఒకటి సోషల్ మీడియాలో ట్రెండ్ అవుతోంది. అందులో అయోధ్య వీధుల్లో జెర్సీ ధరించి విరాట్​ తిరుగుతున్నట్లు కనిపించింది. ఇక అభిమానులు కూడా విరాట్​ అయోధ్యలో ఉన్నాడంటూ అతడ్నిచూసేందుకు వెళ్లారు. తీరా అక్కడ చూస్తే అది విరాట్​ కాదు అతడి పోలికలతో ఉన్న ఓ వ్యక్తి.​ దీన్ని చూసి ఒక్కసారిగా అభిమానులు షాకయ్యారు. ఆ తర్వాత అతడితో సెల్ఫీలు దిగారు. మరోవైపు విరాట్​తో పాటు సచిన్​ పోలీకలతో ఉన్న మరో వ్యక్తి కూడా అయోధ్యలో కనిపించారు. ఆయన కూడా జెర్సీ ధరించి సందడి చేశారు. ప్రస్తుతం దీనికి సంబంధించిన ఫొటోలు, వీడియోలు నెట్టింట తెగ ట్రెండ్ అవుతోంది.

మరోవైపు విరాట్​ కోహ్లీ 25 నుంచి హైదరాబాద్​ వేదికగా ఇంగ్లాండ్​తో జరిగే 5 టెస్టుల సరీస్​లో తొలి రెండు మ్యాచ్​లకు వ్యక్తిగత కారణాలతో దూరంగా ఉండనున్నాడు. ఈ మేరకు బీసీసీఐ ఇప్పటికే ప్రకటించింది. దీంతో ఇటీవలే హైదరాబాద్​కు వచ్చిన అతడు తిరిగి ముంబయికి పయనమయ్యాడు.