Rohit Sharma Second Baby :టీమ్ఇండియా కెప్టెన్ రోహిత్ శర్మ మరోసారి తండ్రైన సందర్భంగా అతడికి శుభాకాంక్షలు వెల్లువెత్తుతున్నాయి. క్రికెటర్లు సూర్యకుమార్ యాదవ్, తిలక్ వర్మ, సంజూ శాంసన్ హిట్మ్యాన్కు స్పెషల్ విషెష్ తెలిపారు. ఈ ముగ్గురు మాట్లాడిన వీడియోను బీసీసీఐ సోషల్ మీడియాలో పోస్ట్ చేసింది.
'చాలా హ్యాపీ'
రోహిత్కు కుమారుడు పుట్టడం పట్ల తిలక్ వర్మ సంతోషం వ్యక్తం చేశాడు. హిట్మ్యాన్కు విషెస్ తెలుపుతూ కాస్త ఎమోషనల్ అయ్యాడు. 'నేను చాలా సంతోషంగా ఉన్నాను రోహిత్ భాయ్. ఈ క్షణం కోసమే ఎదురుచూశాం. ఒకటి, రెండు రోజుల తర్వాత డెలివరీ అయ్యుంటే నేను పక్కనే ఉండేవాడిని. చాలా ఎగ్జైటింగ్గా ఉన్నాను. తొందరగానే వచ్చి కలుస్తాను' అని తిలక్ వర్మ పేర్కొన్నాడు. 'లిటిల్ బాయ్ కోసం చిన్న ప్యాడ్లు, సైడ్ ఆర్మ్, బ్యాట్తో సిద్ధంగా ఉండాలి' అని రోహిత్ కు సూర్యకుమార్ యాదవ్ స్పెషల్ విషెష్ చెప్పాడు. 'చెట్టా (అన్నయ్య), అతని కుటుంబం చాలా సంతోషంగా ఉండాలి' అని రోహిత్కు శాంసన్ శుభాకాంక్షలు తెలియజేశాడు.
రోహిత్ శర్మ మరోసారి తండ్రి అయ్యాడు. అతడికి రెండో సంతానం కలిగింది. హిట్ మ్యాన్ భార్య రితికా సజ్దే శుక్రవారం రాత్రి మగబిడ్డకు జన్మనిచ్చింది. దీంతో రోహిత్ శర్మ కుటుంబంలో సంబరాలు మొదలయ్యాయి. అయితే ఈ జంటకు ఇప్పటికే ఓ కుమార్తె ఉంది.