ఇంగ్లాండ్​తో రెండో టెస్ట్​ - వైజాగ్​ గడ్డ​పై టీమ్​ఇండియా రికార్డులివే!

Team India Test Records In Vizag : ఐదు టెస్టుల సిరీస్​లో భాగంగా ఫిబ్రవరి 2నుంచి వైజాగ్​ వేదికగా భారత్-ఇంగ్లాండ్‌ మధ్య రెండో టెస్టు ప్రారంభం కానుంది. ఈ నేపథ్యంలో ఇక్కడి మైదానంలో మన జట్టు ఆటగాళ్లు ఇప్పటివరకు సాధించిన పలు టెస్టు రికార్డులపై ఓ లుక్కేద్దాం.

Team India Test Records In Vizag : ఐదు టెస్టుల సిరీస్​లో భాగంగా ఫిబ్రవరి 2నుంచి వైజాగ్​ వేదికగా భారత్-ఇంగ్లాండ్‌ మధ్య రెండో టెస్టు ప్రారంభం కానుంది. ఈ నేపథ్యంలో ఇక్కడి మైదానంలో మన జట్టు ఆటగాళ్లు ఇప్పటివరకు సాధించిన పలు టెస్టు రికార్డులపై ఓ లుక్కేద్దాం.

వివరాళ్లోకి వెళితే :వైజాగ్ స్టేడియం టీమ్​ఇండియాకు కలిసొచ్చిందని చెప్పవచ్చు. వైజాగ్​ స్టేడియంలో టీమ్​ఇండియా ఇప్పటివరకు ఆడిన రెండు టెస్టుల్లోనూ ఘన విజయం సాధించింది. 2016లో తొలిసారి ఇంగ్లాండ్​ను 246 ప‌రుగుల భారీ తేడాతో చిత్తుచేసిన భారత్​, 2019లో దక్షిణాఫ్రికాతో జరిగిన టెస్టులోనూ 209 ప‌రుగుల భారీ తేడాతో గెలుపొందింది. ఇక దాదాపు 5 ఏళ్ల తర్వాత మళ్లీ విశాఖపట్నం వేదికగా మరోసారి టెస్టు పోరులో ఇంగ్లిష్​ జట్టుతో తలపడేందుకు సిద్ధమైంది భారత్​. ముచ్చటగా మూడోసారి కూడా ఈ మైదానంలో తన హిస్టరీని భారత్​ రిపీట్​ చేయాలని కోరుకుంటున్నారు క్రికెట్​ అభిమానులు.

పరుగులతో విరాట్​-వికెట్లతో అశ్విన్​! ఇప్ప‌టివ‌ర‌కు ఆడిన రెండు టెస్టుల్లోనూ మన ఆటగాళ్లు సత్తా చాటి జట్టుకు విజయాన్ని అందించారు. అయితే తొలి టెస్టు ఇంగ్లాండ్​తోనే ఆడి గెలవటం విశేషం. ఈ టెస్ట్ మ్యాచ్‌కు కింగ్​ విరాట్​ కోహ్లి సారథ్య బాధ్యతలు వహించి, 167 ప‌రుగుల‌తో చెల‌రేగాడు. అశ్విన్​ కూడా తొలి ఇన్నింగ్స్‌లో 5, రెండో ఇన్నింగ్స్‌లో 3 వికెట్ల‌తో ఇంగ్లాండ్​ బ్యాటర్లకు చుక్కలు చూపించాడు.

హిట్​మ్యాన్​ డబుల్​ సెంచరీ!
2019లో వైజాగ్ వేదిక‌గా దక్షిణాఫ్రికాతో జ‌రిగిన టెస్టు మ్యాచ్‌లోనూ టీమ్​ఇండియా 209 ప‌రుగుల భారీ తేడాతో గెలిచింది. ఈ మ్యాచ్‌లో రోహిత్​ రెండు ఇన్నింగ్స్‌ల‌లో తలో సెంచ‌రీ సాధించాడు. తొలి ఇన్నింగ్స్‌లో 176 (244 బంతుల్లో 23 ఫోర్లు, 6 సిక్సర్లు), రెండో ఇన్నింగ్స్‌లో 127 (149 బంతుల్లో 10 ఫోర్లు, 7 సిక్సర్లు) పరుగులు చేసి బ్యాటింగ్‌తో అద‌ర‌గొట్టాడు. దీంతో విశాఖపట్నం మైదానంలో టెస్టుల్లో అత్యధిక పరుగులు చేసిన భారత బ్యాట్స్‌మెన్‌గా హిట్​మ్యాన్​ నిలిచాడు. ఇక ఇదే మ్యాచ్​ ఫ‌స్ట్ ఇన్నింగ్స్‌లో అశ్విన్​ ఏడు వికెట్లు పడగొట్టాడు.

హ్యాట్రిక్​ కొడుతుందా?
ఇలా అప్పటి మ్యాచుల్లో తమ పవర్​ చూపించిన రోహిత్​, అశ్విన్​, మరోసారి తమ అద్భుత ప్రదర్శనతో వైజాగ్​ గడ్డపై హ్యాట్రిక్ విజ‌యంతో పాటు ప్రస్తుత సిరీస్​లో టీమ్​ఇండియా ఖాతా తెరవాలని కోరుకుంటున్నారు ఫ్యాన్స్​. ఇక పలు వ్య‌క్తిగ‌త కార‌ణాలతో ఇంగ్లాండ్‌తో జ‌రుగుతున్న రెండో టెస్టుకూ కోహ్లీ దూర‌మ‌య్యాడు. మూడో టెస్ట్ నుంచి అత‌డు అందుబాటులోకి వచ్చే అవకాశం ఉంది.

ఆధిక్యంలో ఇంగ్లాండ్​!
IND vs ENG 2nd Test :ఇంగ్లాండ్​తో జరుగుతున్న 5 టెస్టుల సిరీస్​లో భాగంగా ఇప్పటికే హైదరాబాద్​ వేదికగా జరిగిన తొలి టెస్టులో భారత్​ ఓటమిపాలైంది. రెండో టెస్టు ఫిబ్రవరి 2-శుక్రవారం నుంచి ఏపీ వైజాగ్​లోని వై.ఎస్​.రాజశేఖర్​రెడ్డి క్రికెట్​ స్టేడియంలో జరగనుంది. ఇందుకోసం ఇప్పటికే వైజాగ్​ చేరుకున్న రెండు జట్లు ప్రాక్టీస్​ మ్యాచ్​లతో బిజీగా గడుపుతున్నారు. మొదటి టెస్టులో చిన్న చిన్న తప్పిదాలతో మ్యాచ్​ను చేజార్చుకున్న టీమ్​ఇండియా రెండో టెస్టులో తమ సత్తా ఏంటో చూపించాలని ఉవ్విళూరుతోంది. మరోవైపు ఫస్ట్​ టెస్టు గెలుపుతో మంచి జోష్​లో ఉన్న ఇంగ్లిష్​ జట్టు కూడా ఈ మ్యాచ్​ను కైవసం చేసుకోవాలని చూస్తోంది. ఇక ఈ టెస్ట్ సిరీస్‌లో ప్ర‌స్తుతం ఇంగ్లాండ్ 1-0 ఆధిక్యంలో కొనసాగుతోంది.