Receives India Visa Clearance:ఇంగ్లాండ్ యంగ్ స్పిన్నర్ షోయబ్ బషీర్కు వీసా సమస్య క్లియర్ అయ్యింది. బషీర్కు భారత్ వీసీ అప్రూవైనట్లు ఇంగ్లాండ్ క్రికెట్ బోర్డు తెలిపింది. బషీర్ వీసా సమస్య ప్రస్తుతం ఇంటర్నెట్లో హాట్టాపిక్గా మారింది. తాజాగా వీసా అందడం వల్ల ఈ కాంట్రవర్సీకి తెర పడింది. ఇక అతడు వారంలోగా ఇంగ్లాండ్ జట్టుతో కలవనున్నాడు. దీంతో ఈ పర్యటనలోనే బషీర్ అంతర్జాతీయ టెస్టుల్లో అరంగేట్రం చేసే ఛాన్స్ ఉంది. అయితే పాకిస్థాన్ మూలాలున్న బషీర్కు మొదట భారత్ పర్యటన వీసా అందలేదు. దీంతో అతడు యూఏఈలోని ప్రాక్టీస్ క్యాంపు నుంచి ఇంగ్లాండ్కు రిటర్న్ వెళ్లాడు.
అయితే బషీర్కు వీసా అందకపోవడంపై ఇంగ్లాండ్ కెప్టెన్ బెన్ స్టోక్స్ స్పందిచాడు. అతడికి వీసా రాకపోవడం వల్ల కాస్త నిరుత్సాహపడ్డట్లు తెలిపాడు. 'డిసెంబర్లోనే భారత్ పర్యటనకు వచ్చే జట్టు ప్రకటించాం. అయినా బషీర్కు వీసా రాకపోవడం వల్ల మేం నిరుత్సాహపడ్డాం. అంతర్జాతీయ క్రికెట్లో అరంగేట్రం చేయడానికి రెడీగా ఉన్న ప్లేయర్కు ఇలా జరగడం బాధాకరం. ఇలా జరగడం కొత్తేం కాదు. గతంలోనూ నేను చాలా క్రికెటర్లకు వీసా సమస్యలు ఎదురయ్యాయి. తొందరగా ఈ ప్రాబ్లమ్ క్రియరై బషీర్ మా జట్టుతో కలుస్తాడని అనుకుంటున్నా' అని స్టోక్స్ అన్నాడు.
ఇదే విషయంపై టీమ్ఇండియా కెప్టెన్ రోహిత్ శర్మకు కూడా ప్రెస్ కాన్ఫరెన్స్లో ఓ ప్రశ్న ఎదురైంది. దీనికి రోహిత్ ఇంట్రెస్టింగ్గా బదులిచ్చాడు. 'బషీర్కు వీసా రిజెక్ట్ అవ్వడం నిజంగా బాధాకరం. అతడు ఇంగ్లాండ్ టీమ్తో తొలిసారి భారత్కు రావాలనుకున్నాడు. దురదృష్టవశాత్తు అతడికి వీసా సమస్య ఎదురైంది. ఈ విషయంపై ఇంకా క్లారిటీ ఇవ్వడానికి నేనేం వీసా ఆఫీస్లో కూర్చోలేదు కదా. కానీ, త్వరలోనే అతడు భారత్కు వచ్చి ఇక్కడ క్రికెట్ ఆడుతాడని భావిస్తున్నా' అని రోహిత్ అన్నాడు.