Ravi Shastri on Sachin Virat Kohli Training Method : ప్రపంచ క్రికెట్లో సచిన్ తెందుల్కర్, విరాట్ కోహ్లీ ఇద్దరు దిగ్గజాలుగా పేరొందారు. తమ ఆటతీరుతో కోట్లాది మంది అభిమానులను సొంతం చేసుకున్నారు. వీరిలో సచిన్ ఇప్పటికే రిటైర్ అయిపోగా, విరాట్ ఇంకా తన కెరీర్ను కొనసాగిస్తున్నాడు. అయితే ఈ ఇద్దరు స్టార్ ప్లేయర్ల నెట్ ప్రాక్టీస్ ట్రైనింగ్ సెషన్ గురించి టీమ్ ఇండియా మాజీ హెడ్ కోచ్ రవి శాస్త్రి మాట్లాడాడు. కాగా, రవిశాస్త్రి సచిన్తో కలిసి ఆడగా, కోహ్లీ కెప్టెన్సీలో హెడ్ కోచ్గా ఉన్నాడు. ఈ నేపథ్యంలో వారిద్దరి ట్రైనింగ్ మెథడ్ ఎలా ఉంటుందో వివరించాడు.
"కోహ్లీ ప్రాక్టీస్ సెషన్‌ను రెండుగా విభజించుకునేవాడు. నెట్ బౌలర్లు ఎదుర్కోవడంతో పాటు సపోర్ట్ స్టాఫ్తో స్పెషలైజ్డ్ సెషన్స్ నిర్వహించేవాడు. వివిధ సవాలు పరిస్థితుల్లో బౌలింగ్ను ఎదుర్కొనేందుకు దృష్టి పెట్టేవాడు.
ఇక సచిన్ తెందుల్కర్ విషయానికొస్తే అతడి హయంలో వయసులో ఉన్నప్పుడు ప్యాంటులో చీమలు ఉన్నట్టుగా ఉండేవాడు. అస్సలు ఖాళీగా ఉండేవాడు కాదు. ఎప్పుడు నెట్స్లో బ్యాటింగ్ చేస్తూ కనిపించేవాడు. లేదంటే బౌలింగ్, ఫీల్డింగ్ ప్రాక్టీస్ చేస్తుండేవాడు. అతడిని కాసేపు కూడా సైలెంట్గా, ప్రశాంతంగా, ఖాళీగా ఉంచలేం. 35 ఏళ్ల వయసులోనూ ఇంటెన్స్గా(దూకుడుగా), ప్రణాళికబద్ధంగా ప్రాక్టీస్ సెషన్ల్లో పాల్గొనేవాడు సచిన్. ఇంకా చెప్పాలంటే అతడి ట్రైనింగ్ మెథడ్ చాలా సహజసిద్ధంగా, మెరుగుపర్చుకునేలా ఉండేది. బ్యాటింగ్ ప్రాక్టీస్ పూర్తవ్వగానే ఆటలోని ఇతర విభాగాలపై కూడా ఎంతో ఉత్సాహంతో పూర్తిగా దృష్టి సారించేవాడు." అని రవిశాస్త్రి పేర్కొన్నాడు.