RCB Playoffs Celebrations: 2024 ఐపీఎల్లో రాయల్ ఛాలెంజర్స్ బెంగళూరు అద్భుతమే చేసింది. సీజన్లో తొలి 8మ్యాచ్ల్లో కేవలం ఒకే ఒక్క విజయంతో దాదాపు టోర్నీ నుంచి నిష్క్రమించే పరిస్థితి చేరుకుంది. టోర్నీ సగం పూర్తైయ్యే నాటికి ఆర్సీబీ సాధించింది ఒక్క విజయమే. నెట్రన్రేట్ కూడా మైనస్లోనే ఉంది. అప్పటికే నాలుగేసి విజయాలు అందుకున్న జట్లు 6 ఉన్నాయి. దీంతో ఆర్సీబీ ఇక ప్లేఆఫ్స్కు చేరకుండానే ఇంటిబాట పట్టడం ఖాయమనుకున్నారంతా.
కానీ, ఆ తర్వాత అద్భుతమే జరిగింది. ఆడిన ఐదు మ్యాచ్ల్లో వరుసగా అన్నింట్లోనూ విజయం సాధించి ప్లేఆఫ్స్ రేసులో కీలక జట్టుగా నిలిచింది. ఇక నాకౌట్కు చేరాలంటే కచ్చితంగా నెగ్గాల్సిన ఆఖరి లీగ్ మ్యాచ్కు రెడీ అవుతున్న తరుణంలో వాతావరణం కూడా అనుకూలించలేదు. వర్షం ఆందోళన రేకెత్తించింది. అయినప్పటికీ లక్షలాది మంది అభిమానుల మద్దతుతో, వాతావరణం కూడా సహకరించిన వేళ ఆర్సీబీ శనివారం చిన్నస్వామి స్టేడియంలో అదరగొట్టింది. చెన్నై సూపర్ కింగ్స్పై 27 పరుగుల తేడాతో నెగ్గి సగర్వంగా ప్లే ఆఫ్స్కు ఎంట్రీ ఇచ్చి ఔరా అనిపించింది.
దీంతో ఒక్కసారిగా స్టార్ బ్యాటర్ విరాట్ కోహ్లీతోపాటు ఆటగాళ్లు, ప్రేక్షకులు, అభిమానులంతా ఎమోషనల్ అయ్యారు. ఎట్టకేలకు ఆర్సీబీ ప్లేఆఫ్స్లో అడుగుపెట్టిందని సంబరాలు చేసుకున్నారు. ఇటు సోషల్ మీడియాలోనూ ఆర్సీబీ ఫ్యాన్స్ సెలబ్రేషన్స్ పీక్స్లో ఉన్నాయి. మరి ఆర్సీబీ ఫ్యాన్స్ సంబరాలు మీరు చూశారా?