Rohit Sharma Chat leaked :ఛాంపియన్స్ ట్రోఫీ స్క్వాడ్ అనౌన్స్మెంట్కు మందు టీమ్ఇండియా కెప్టెన్ రోహిత్ శర్మ, చీఫ్ సెలక్టర్ అజిత్ అగార్కర్ మధ్య జరిగిన డిస్కషన్ ప్రస్తుతం నెట్టింట తెగ వైరల్ అవుతోంది. ప్రెస్ కాన్ఫరెన్స్ కోసం ఈ ఇద్దరు కూర్చున్న సమయంలో ఆఫ్బీట్లో వారి సంభాషణ మైక్లో రికార్డ్ అయ్యాయి. ఇంతకీ వారు ఏం మాట్లాడుకున్నారంటే?
అన్నీ నేనే చేయాలి : రోహిత్ శర్మ
ఐసీసీ ఛాంపియన్స్ ట్రోఫీలో పాల్గొననున్న టీమ్ఇండియా తుది జట్టును అనౌన్స్ చేసేందుకు రోహిత్ శర్మ, అజిత్ అగార్కర్ వచ్చారు. ఈ క్రమంలో ఏర్పాటు చేసిన ఓ మీడియా కాన్ఫరెన్స్లో వారు మాట్లాడుకున్నారు. అయితే మీటింగ్ ప్రారంభించేందుకు ముందే రోహిత్-అగార్కర్ మధ్య చిన్నపాటి చిట్చాట్ జరిగింది. ఆ టైమ్లో వారు బీసీసీఐ తాజాగా విడుదల చేసిన పది సూత్రాల గురించి చర్చించుకున్నారు. అయితే తమ ముందు ఉన్న మైక్ ఆన్లో ఉందన్న విషయాన్ని మరిచిపోయారు. దీంతో వారి మాటలు రికార్డు అయింది.
"ఇప్పుడు నేను సెక్రటరీతో ఒక గంటన్నార సేపు మాట్లాడాల్సి ఉంటుంది. ఫ్యామిలీల గురించి డిస్కషన్ పెట్టాలి. అందరూ నాకే చెప్తున్నారు." అని రోహిత్ అన్నారు. అయితే ఈ విషయంపై క్రీడాభిమానుల్లోనూ మిక్స్డ్ రియాక్షన్స్ వస్తున్నాయి.