IND Vs ENG W : అండర్ -19 మహిళల టీ20 ప్రపంచ కప్లో భాగంగా తాజాగా ఇంగ్లాండ్తో జరిగిన రెండో సెమీస్లో భారత అమ్మాయిలు అదరగొట్టారు. 9 వికెట్ల తేడాతో విజయం సాధించి ఫైనల్కు దూసుకెళ్లారు. తొలుత బ్యాటింగ్‌ చేసిన ఇంగ్లాండ్ 113 పరుగులు మాత్రమే స్కోర్ చేయగా, ఆ లక్ష్యాన్ని భారత్ 15 ఓవర్లలోనే చేధించింది. ఒక్క వికెట్ మాత్రమే కోల్పోయి 117 పరుగులతో విజయం సాధించింది. ఓపెనర్లు కమలిని (56*), గొంగడి త్రిష (35) తమ ఇన్నింగ్స్లో రాణించి జట్టును గెలుపులో కీలక పాత్ర పోషించారు. ఇక ఆదివారం జరగనున్న ఫైనల్స్లో సౌతాఫ్రికాతో భారత్ తలపడనుంది.
ఈ టోర్నీలో భారత బ్యాటర్లు తొలి మ్యాచ్‌ నుంచే అదిరిపోయే ఫామ్‌ కనబరిచారు. దాని కొనసాగింపుగానే సెమీస్‌లోనూ చెలరేగిపోయారు. ఇంగ్లీష్ జట్టు నిర్దేశించిన స్వల్ప లక్ష్యాన్ని సునాయాసంగా ఛేదించారు. ఓపెనర్లు కమలిని- గొంగడి త్రిష అద్భుమైన ఇన్నింగ్స్తో తొలి వికెట్‌కు 60 పరుగులు జోడించారు. అయితే త్రిష ఔటైనప్పటికీ భారత ఇన్నింగ్స్‌ను సనికా చల్కే (11*)తో కలిసి కమలిని ముందుకు తీసుకెళ్లింది. దీంతో కేవలం 15 ఓవర్లలోనే లక్ష్యాన్ని సాధించింది. ఇంగ్లాండ్ బౌలర్ ఫోబ్‌ బ్రెట్ ఒక వికెట్ను తన ఖాతాలో వేసుకుంది.
𝗢𝗡𝗟𝗬 𝗧𝗪𝗢 𝗥𝗘𝗠𝗔𝗜𝗡 👀
— ICC (@ICC) January 31, 2025
South Africa and India will lock horns in the Final of the #U19WorldCup 2025 🇿🇦 🇮🇳 pic.twitter.com/hedKUa4qAh
బౌలింగ్‌లోనూ మనదే హవా!
టాస్ నెగ్గి బ్యాటింగ్‌ను ఎంచుకున్న ఇంగ్లాండ్ జట్టును భారత బౌలర్లు హడలెత్తించారు. ఓపెనర్‌ జెమీమా గ్రీస్ (9) రెండు బౌండరీలు కొట్టినప్పటికీ ఎక్కువసేపు క్రీజులో నిలవలేకపోయింది. అయితే ఆమె వికెట్ను తీసి ఆయుషి శుక్లా (2/21) ఇంగ్లాండ్ డౌన్ఫాల్కు తెర లేపింది. ఆ తర్వాత పరునిక సిసోదియా (3/21), వైష్ణవి శర్మ (3/23) కూడా తమ ఇన్నింగ్స్తో మెరుపు బౌలింగ్‌లో సత్తా చాటారు. దీంతో ఇంగ్లీష్ ప్లేయర్లలో కెప్టెన్ అబి నోర్‌గ్రోవ్‌ (30), డేవినా పెరిన్ (45), అము సురేన్‌ కుమార్ (14) తప్ప మిగతా ఎవ్వరూ రెండంకెల స్కోరును నమోదు చేయలేకపోయారు. దీంతో చివరికి ఇంగ్లాండ్ జట్టు 113 పరుగులకే ఓటమిని అంగీకరించాల్సి వచ్చింది.
ఆల్రౌండ్గా తెలుగమ్మాయి సత్తా - u19 మహిళల వరల్డ్ కప్లో భారత్ ఘన విజయం
టీమ్ఇండియా రికార్డ్ విక్టరీ- 304 రన్స్ తేడాతో ఐర్లాండ్ చిత్తు
