Rohit Wishes Fan Girl :టీమ్ఇండియా కెప్టెన్ రోహిత్ శర్మ రీసెంట్గా బంగ్లాదేశ్తో టెస్టు సిరీస్ క్లీన్స్వీప్ తర్వాత కాస్త బ్రేక్ తీసుకున్నాడు. త్వరలో న్యూజిలాండ్తో ప్రారంభం కానున్న టెస్టు సిరీస్కు సన్నద్ధం అవుతున్నాడు. గ్యాప్లో ఉన్న సమయాన్ని రోహిత్ బాగా ఎంజాయ్ చేస్తున్నాడు. ఈ క్రమంలో తన ఖరీదైన కారుతో ముంబయి రోడ్లపై చక్కర్లు కొట్టాడు.
అయితే ఓ అభిమాని కోసం రోహిత్ తన కారును రోడ్డుపై ఆపాడు. ఆ అభిమానితో ఫొటో దిగాడు. ఈ క్రమంలో ఆ అభిమాని పుట్టినరోజు అని పక్కనున్నవారు చెప్పడంతో ఆమెకు రోహిత్ షేక్ హ్యాండ్ ఇచ్చి మరీ బర్త్ డే విషెస్ చెప్పాడు. దీంతో ఆ అమ్మాయి ఆనందాని అవధుల్లేకుండా పోయాయి. ప్రస్తుతం ఈ వీడియో సోషల్ మీడియాలో వైరల్గా మారింది.
కాగా, ప్రస్తుతం టీమ్ఇండియా బంగ్లాదేశ్తో టీ20 సిరీస్ ఆడుతోంది. ఈ సిరీస్లో తొలి మ్యాచ్లో నెగ్గిన భారత్, సిరీస్పై కన్నేసింది. బుధవారం న్యూ దిల్లీ వేదికగా ఈ మ్యాచ్ జరగనుంది. ఇక సిరీస్లో ఆఖరి మ్యాచ్ హైదరాబాద్ ఉప్పల్ మైదానంలో అక్టోబర్ 12న జరగాల్సి ఉంది.