Paris Olympics 2024 Indian Contestants :2024 పారిస్ ఒలింపిక్స్‌కి భారత అథ్లెట్లు రెడీ అవుతున్నారు. జులై 26 నుంచి మొదలవుతున్న అతిపెద్ద స్పోర్ట్స్‌ ఈవెంట్‌లో 117 మంది భారత్‌ అథ్లెట్లు పాల్గొంటున్నారు. వీరిలో కొందరు తప్పక దేశానికి పతకం అందిస్తారనే అంచనాలు నెలకొన్నాయి. వారెవరంటే?
పీవీ సింధు (బ్యాడ్మింటన్)
స్టార్ షట్లర్పీవీ సింధు రెండుసార్లు ఒలింపిక్ పతకాన్ని ముద్దాడింది. పెద్ద టోర్నమెంట్లలో సింధు సక్సెస్‌ రేటు ఎక్కువ. మ్యాచ్‌లను ముగించడం, ఒత్తిడి పరిస్థితులను అధిగమించడంలో మెరుగ్గా వ్యవహరిస్తే మళ్లీ పతకాలు గెలిచే ఛాన్సెస్‌ ఉన్నాయని అభిమానులు అంటున్నారు.
నీరజ్ చోప్రా (జావెలిన్ త్రో)
మెన్స్‌ జావెలిన్‌లో డిఫెండింగ్ ఒలింపిక్ ఛాంపియన్ నీరజ్ చోప్రాపై ఈసారి కూడా భారీ అంచనాలు ఉన్నాయి. అతను నిలకడగా 87-89 మీటర్ల పరిధిలో జావెలిన్ విసురుతాడు. ఇప్పటి వరకు చాలా మేజర్‌ ఈవెంట్స్‌లో పతకం సాధించాడు.
మీరాబాయి చాను (వెయిట్ లిఫ్టింగ్)
టోక్యోలో రజత పతకం సాధించిన మీరాబాయి చాను పారిస్‌లో స్వర్ణంపై గురిపెట్టినట్లు తెలుస్తోంది. 200-210 కిలోగ్రాముల పరిధిలో ట్రైనింగ్‌కు ప్రసిద్ధి చెందిన ఆమెకు ఎక్కువ అనుభవం ఉంది. అయితే గాయాల కారణంగా ఆమె 2023 నుంచి పరిమితంగా పోటీల్లో పాల్గొంది.
లోవ్లినా బోర్గోహైన్ (బాక్సింగ్)
టోక్యోలో కాంస్య పతకాన్ని గెలుచుకున్న లోవ్లినా బోర్గోహైన్ 69 కేజీల విభాగంలో దూసూకెళ్తోంది. ఇటీవల వరుసగా విజయాలు సాధించింది. భారత్‌కి పతకం అందిస్తుందనే అంచనాలు ఎక్కువగా ఉన్నాయి.
సిఫ్ట్ కౌర్ సమ్రా (షూటింగ్)
మహిళల 50 మీటర్ల రైఫిల్ 3 పొజిషన్స్‌లో ప్రపంచ రికార్డు సాధించిన సిఫ్ట్ కౌర్ సమ్రా ఒత్తిడిలోనూ రాణిస్తోంది. ఆమె బలాలు ఉన్నప్పటికీ, భారత షూటర్లు చారిత్రాత్మకంగా ఒలింపిక్స్లో పతకాలు గెలవడానికి ఇబ్బంది పడ్డారు.
వినేశ్ ఫోగట్ (రెజ్లింగ్)
మూడు ఒలింపిక్స్కు అర్హత సాధించిన మొదటి భారతీయ మహిళా రెజ్లర్ వినేశ్ ఫోగట్. ఆమె కఠినమైన 50 కేజీల విభాగంలో పోటీ పడుతుంది. ఇటీవల కాలంలో తక్కువ పోటీల్లో పాల్గొంది.