Ms Dhoni New Bat : మిస్టర్ కూల్ మహేంద్రసింగ్ ధోనీ 2025 ఐపీఎల్ సీజన్ కోసం ప్రాక్టీస్ మొదలుపెట్టేశాడు. ఈ సీజన్లో ధోనీ అన్క్యాప్డ్ ప్లేయర్గా చెన్నై సూపర్ కింగ్స్ బరిలోకి దిగనున్నాడు. మైదానంలో మహీ బ్యాటింగ్ చూసేందుకు అభిమానులు ఆత్రుతగా ఎదురుచూస్తున్నారు. ఈ క్రమంలో 'తల' గురించి ఓ క్రేజీ న్యూల్ సోషల్ మీడియాలో చక్కర్లు కొడుతోంది. 2025 ఐపీఎల్ సీజన్లో ధోనీ కొత్త బ్యాట్ ఉపయోగించనున్నట్లు తెలుస్తోంది.
తేలికైన బ్యాట్తో
ఈ సీజన్కు ధోనీ కొత్త బ్యాట్తో బరిలోకి దిగనున్నాడట. అయితే సాధారణంగా ధోనీ బ్యాట్ బరువు 1250-1300 గ్రాములు. ఈసారి బ్యాట్ బరువును కాస్త తగ్గించుకోవచ్చని తెలుస్తోంది. కనీసం 10- 20 గ్రాములు తగ్గించుకుంటాడని కథనాలు వస్తున్నాయి. గతంలో కంటే తక్కువ బరువున్న బ్యాట్తో ఈసారి మిస్టర్ కూల్ ఐపీఎల్ బరిలో దిగనున్నాడన్న మాట. మేరఠ్కు చెందిన సాన్స్‌ పరీల్స్ గ్రీన్‌ ల్యాండ్స్ ప్రైవేట్ లిమిటెడ్ కంపెనీ ధోనీకి ఇటీవలే నాలుగు బ్యాట్లను డెలివరీ చేసిందని తెలిసింది. ప్రతీ బ్యాట్ బరువు దాదాపు 1230 గ్రాములు ఉంటుందని సమాచారం. కాగా, కెరీర్లో ధోనీ అత్యంత బరువున్న బ్యాట్ ను వాడిన క్రికెటర్గా పేరొందాడు.
రాంచీలో ప్రాక్టీస్
ధోనీ ప్రస్తుతం రాంచీలో ప్రాక్టీస్ చేస్తున్నాడు. బౌలింగ్ మెషీన్ వేసిన బంతులకు సాధన చేస్తున్నాడు. ఈ మేరకు ఝార్ఖండ్ క్రికెట్ అసోసియేషన్ అధికారి ఒకరు తెలిపారు. ఇందౌర్ స్టేడియంలో మ్యాచ్లు లేకపోవడం వల్ల ధోనీ బౌలింగ్ మెషీన్తో ప్రాక్టీస్ చేస్తున్నట్లు పేర్కొన్నారు. గతంలో ఇక్కడ ఓ టోర్నీలో ధోనీ టెన్నిస్ బంతితో మ్యాచ్ ఆడాడని వెల్లడించాడు.
🚁 WILL BE LANDING IN CHENNAI SOON...!!!! 💛 pic.twitter.com/KR36zQBkeA
— Johns. (@CricCrazyJohns) February 25, 2025
మరోవైపు ఎప్పటిలాగే ఈ ఏడాది కూడా సీఎస్కే నిర్వహించే ప్రీ-ఐపీఎల్ ప్రాక్టీస్ శిబిరానికి ధోనీ హాజరవుతాడని తెలుస్తోంది. ఎంఏ చిదంబరం స్టేడియాన్ని ప్రాక్టీస్ కోసం సీఎస్కేకి మార్చి 10కల్లా అప్పగించనుందని సమాచారం. అప్పుడే చెన్నై జట్టు ప్రాక్టీసు శిబిరాలు ప్రారంభమవుతాయని సీఎస్కే వర్గాలు తెలిపాయి. శిక్షణ షెడ్యూల్ ఇంకా ఖరారు కాలేదని పేర్కొన్నాయి.
కాగా, గత ఐపీఎల్ సీజన్లో ధోనీ ఎక్కువగా ఎనిమిదో స్థానంలో బ్యాటింగ్కు దిగాడు. ఆ సీజన్లో కొన్ని మెరుపు ఇన్నింగ్స్లు ఆడాడు. డెత్ ఓవర్లలో సిక్సర్ల వర్షం కురిపించి జట్టు స్కోరును పరుగులు పెట్టించాడు. ఈ ఏడాది బ్యాటింగ్ ఆర్డర్లో మరింత ముందొచ్చి రాణించాలని మిస్టర్ కూల్ భావిస్తున్నట్లు తెలుస్తోంది.
ఎల్లో జెర్సీలో లైవ్ మ్యాచ్ చూస్తున్న ధోనీ- షూటింగ్కు బ్రేక్ ఇచ్చి మరీ!
'కెప్టెన్గా కూల్, ఫ్యాన్గా హాట్హాట్'- ఛాంపియన్స్ ట్రోఫీ ప్రోమో వైరల్
