Manu Bhaker Khel Ratna Award :ఒలింపిక్ మెడలిస్ట్, స్టార్ షూటర్ మనూ బాకర్కు ఖేల్రత్న అవార్డ్స్ నామినేషన్ల లిస్ట్లో చోటు దక్కలేదని వార్తలు వస్తున్నాయి. దీంతో ఈ అంశం కాంట్రవర్సీ అయ్యింది. దీనిపై ఇప్పటికే మనూ తండ్రి రామ్‌కిషన్‌ బాకర్, ఆమె కోచ్ అసహనం వ్యక్తం చేశారు. తాజాగా దీనిపై మనూ స్వయంగా స్పందించింది. ఒక అథ్లెట్గా దేశం కోసం ఆడటం తన బాధ్యత అని వెల్లడించింది. ఈ మేరకు సోషల్ మీడియాలో ఓ పోస్ట్ షేర్ చేసింది.
'ఓ అథ్లెట్గా దేశం కోసం ఆడటం మాత్రమే నా కర్తవ్యం. గుర్తింపు, అవార్డులు నాకు స్ఫూర్తినిస్తాయి. కానీ, అవే నా లక్ష్యాలు కాదు. నామినేషన్ ప్రక్రియలో ఏదో లోపం జరిగి ఉండొచ్చు. అది పరిష్కారం అవుతుందని అనుకుంటున్నాను. అవార్డ్స్తో సంబంధం లేకుండా, నేను దేశానికి మరిన్ని పతకాలు సాధించాలనుకుంటున్నా' అని మను బాకర్ పోస్ట్లో రాసుకొచ్చింది.