IPL CSK CAPTAINCY DHONI : ఇండియన్ ప్రీమియర్ లీగ్ (IPL)లో విజయవంతమైన కెప్టెన్‌ల జాబితాలో ఎంఎస్ ధోనీ పేరు ముందుంటుంది. సుదీర్ఘ కాలం పాటు మహీ, చెన్నైసూపర్‌ కింగ్స్(CSK)ను ముందుండి నడిపించాడు. అత్యధిక ఐపీఎల్ టైటిల్స్‌ గెలిచిన టీమ్‌గానూ నిలిపాడు. ఎక్కువ సార్లు ప్లేఆఫ్స్‌, ఫైనల్‌ చేరిన జట్టుగా కూడా సీఎస్కే రికార్డు క్రియేట్‌ చేసింది. ఇదే సమయంలో సీఎస్కేకు ధోనీ మారుపేరులా మారిపోయాడు. అయితే ప్రారంభంలో సీఎస్కే కెప్టెన్‌గా ధోనీని ఎంపిక చేయలేదని? మరో ప్లేయర్‌ను పరిశీలించారని మీకు తెలుసా?
మాజీ సీఎస్కే ప్లేయర్ సుబ్రమణియన్ బద్రీనాథ్ ఈ విషయాన్ని తెలిపారు. మహీ బాధ్యతలు చేపట్టడానికి ముందు వీరేంద్ర సెహ్వాగ్‌ను కెప్టెన్‌గా చేయాలని ఫ్రాంచైజీ భావించిందట. ఆ తర్వాత ఏం జరిగిందంటే?
- సీఎస్కే కెప్టెన్సీ ప్లాన్‌ వేరు
2008లో ఐపీఎల్ మొదటి సీజన్‌కు ముందు తమ జట్టును సమర్థంగా నడిపించే, ప్రజల్లో పాపులర్‌ అయిన ప్లేయర్ కోసం సీఎస్కే వెతికింది. టీమ్‌ ఇండియా స్టార్‌ ఓపెనర్‌, విధ్వంసకర బ్యాటర్‌ వీరేంద్ర సెహ్వాగ్‌ను ఎంచుకుంది. దూకుడు, వ్యక్తిత్వంతో సెహ్వాగ్ మొదటి ప్రాధాన్యంగా మారాడు. అయినప్పటికీ, సెహ్వాగ్ దిల్లీ తరఫున డొమెస్టిక్‌ క్రికెట్‌ ఆడాడు. దిల్లీతో అతనికి మంచి సంబంధాలు ఉన్నాయి. దీంతో సెహ్వాగ్‌ను సీఎస్కే కన్నా ముందు దిల్లీ డేర్డెవిల్స్ (ఇప్పుడు దిల్లీ క్యాపిటల్స్) సొంతం చేసుకుంది. - ఎంఎస్ ధోనీ ఎంపిక ఎలా జరిగింది?
సెహ్వాగ్ దిల్లీతో ఉండాలని నిర్ణయించుకోవడంతో, సీఎస్కే ఫోకస్‌ ఎంఎస్ ధోనీవైపు మళ్లింది. మహీ, 2007 టీ20 ప్రపంచ కప్‌లో భారత్‌ను విజయపథంలో నడిపించాడు. అతని ప్రశాంతత, పదునైన వ్యూహం, మ్యాచ్‌ను ముగించే సామర్థ్యం అందరినీ మెప్పించాయి. దీంతో సీఎస్కే ఫ్రాంచైజీ, ధోనీని కెప్టెన్‌గా ఎంచుకుంది. అనంతరం సీఎస్కే ఎన్ని అద్భుత ఫలితాలు అందుకుందో ప్రత్యేకంగా చెప్పక్కర్లేదు. ఐపీఎల్ హిస్టరీలో అత్యుత్తమ జట్టుగా సీఎస్కే నిలిచింది.
మహీ హయాంలో చెన్నై 5 టైటిల్స్‌ గెలిచింది. అత్యధిక ట్రోఫీలు గెలిచిన జట్టుగా ముంబయి ఇండియన్స్‌ సరసన నిలిచింది. చెన్నై మరో ఐదు సార్లు రన్నరప్‌గానూ నిలిచింది. 2024 సీజన్‌కు ముందు మహీ సీఎస్కే కెప్టెన్సీ వదులుకున్నాడు. అతడు 264 ఐపీఎల్ మ్యాచుల్లో 5243 పరుగులు చేశాడు. ఇందులో 24 హాఫ్‌ సెంచరీలు ఉన్నాయి.
- సెహ్వాగ్ ఐపీఎల్ జర్నీ
సెహ్వాగ్ సీఎస్కే కెప్టెన్‌గా లేనప్పటికీ, ఐపీఎల్‌పై అదరగొట్టాడు. దిల్లీ డేర్డెవిల్స్, కింగ్స్ XI పంజాబ్ (ప్రస్తుతం పంజాబ్ కింగ్స్)కు ప్రాతినిధ్యం వహించాడు. తనదైన శైలిలో జట్టుకు అద్భుతమైన ఆరంభాలు ఇచ్చాడు. సెహ్వాగ్ ఐపీఎల్‌లో మొత్తం 104 మ్యాచ్‌లు ఆడాడు. ఏకంగా 2728 పరుగులు చేశాడు. ఇందులో 2 సెంచరీలు, 16 హాఫ్‌ సెంచరీలు ఉన్నాయి. - 2025 ఐపీఎల్‌లో ధోని ఆడనున్నాడా?