MS Dhoni Family Christmas Celebrations :క్రిస్మస్ సందర్భంగా టీమ్‌ఇండియా మాజీ కెప్టెన్‌ ఎంఎస్‌ ధోనీ తన కుటుంబ సభ్యులకు అలాగే ఫ్యాన్స్‌కి ఓ సర్ప్రైజ్ ఇచ్చాడు. శాంతా క్లాజ్‌ వేషధారణలో భార్య సాక్షి, కుమార్తె జివాతో కలిసి పండగ సెలబ్రేట్‌ చేసుకున్నాడు. దీనికి సంబంధించిన ఫొటోలను ధోనీ సతీమణి నెట్టింట షేర్ చేయగా, అవి క్షణాల్లోనే వైరల్ అయ్యింది.
ధోనీ, జివా క్రిస్మస్ సెలబ్రేషన్స్‌కి మ్యాచ్ అయ్యేలా రెడ్‌, వైట్‌ కాంబినేషన్‌లో దుస్తులు ధరించారు. వీరితో పాటు బాలీవుడ్ నటి కృతిసనన్, కబీర్ బహియా తదితరులు ఈ సెలబ్రేషన్స్‌లో పాల్గొన్నారు. అయితే ధోనీలోని ఈ కొత్త యాంగిల్‌ని చూసిన అభిమానులు ఆనందం వ్యక్తం చేస్తున్నారు. అటు ఫ్యామిలీ, ఇటు క్రికెట్ కెరీర్‌ని మేనేజ్‌ చేయడంలో ధోనీ సూపర్ అంటూ కామెంట్లు పెడుతున్నారు.
ధోనీ కెప్టెన్‌గా చెన్నై సూపర్ కింగ్స్‌కి మొత్తం ఐదు టైటిల్స్‌ అందించాడు. చివరిగా 2023లో ఐదో టైటిల్‌ గెలిచాడు. 2024 ఐపీఎల్‌ సీజన్‌కి ముందు చెన్నై జట్టు కెప్టెన్సీ వదులుకున్నాడు. యంగ్‌ బ్యాటర్‌ రుతురాజ్‌ గైక్వాడ్‌కి అవకాశం ఇచ్చాడు. గత సీజన్‌లో ధోనీ కెప్టెన్‌గా కాకుండా సాధారణ ప్లేయర్‌గా బరిలో దిగాడు. ప్రస్తుతం ధోనీ 2025 ఐపీఎల్‌ బరిలో దిగేందుకు సిద్ధమవుతున్నాడు.