IND VS NZ 1st Test Teamindia 100 Sixes : టెస్ట్ క్రికెట్‌లో టీమ్ ఇండియా సంచలన రికార్డ్ సాధించింది. 147 ఏళ్ల టెస్ట్ క్రికెట్ చరిత్రలో మరో జట్టు అందుకోని అరుదైన ఘనతను ఖాతాలో వేసుకుంది. ఒకే క్యాలెండర్ ఇయర్‌లో టెస్ట్ ఫార్మాట్‌లో 100 సిక్స్‌లు బాదిన జట్టుగా టీమ్ ఇండియా నిలిచింది. ఇప్పటి వరకు ఏ జట్టు కూడా ఈ ఘనతను అందుకోలేదు.
ప్రస్తుతం న్యూజిలాండ్తో బెంగళూరు వేదికగా తొలి టెస్ట్ జరుగుతున్న సంగతి తెలిసిందే. ఈ మ్యాచ్తోనే భారత జట్టు ఈ 100 సిక్స్ల మార్క్ను టచ్ చేసింది. రెండో ఇన్నింగ్స్‌లో స్టార్ బ్యాటర్ కోహ్లీ బాదిన భారీ సిక్సర్‌తో భారత్ జట్టు 100 సిక్స్ల మైలురాయిని అందుకుంది.
ఈ ఏడాది ఇప్పటి వరకు 17 ఇన్నింగ్స్‌లు ఆడింది టీమ్ ఇండియా. ఇప్పటి వరకు 102 సిక్స్‌లు కొట్టింది. ఈ జాబితాలో భారత జట్టు తర్వాత ఇంగ్లాండ్ (2022) 89 సిక్స్లతో రెండో స్థానంలో ఉండగా, 87 సిక్స్లతో మూడో స్థానంలో మళ్లీ భారతే (2021) నిలిచింది. ఆ తర్వాతి నాలుగు ఐదు స్థానాల్లో న్యూజిలాండ్ (2014 - 81, 2013 - 71) నిలిచింది.