IND VS New Zealand 1St Test Rain : న్యుజిలాండ్తో టెస్ట్ సిరీస్ ఆడేందుకు సిద్ధిమైన టీమ్ ఇండియాను వరుణుడు ఇబ్బండి పెడుతున్నాడు. భారత క్రికెట్ అభిమానులు కూడా నిరాశ చెందుతున్నారు. బెంగళూరు చినస్వామి స్టేడియం వేదికగా నేడు(అక్టోబర్ 16) తొలి మ్యాచ్ ప్రారంభం కావాల్సింది. కానీ ఇంకా మొదలు కాలేదు. టాస్ కూడా పడలేదు. దీంతో తొలి రోజు ఆట జరుగుతుందా లేదా అని ఫ్యాన్స్ టెన్షన్ పడుతున్నారు.
అత్యాధునిక టెక్నాలజీతో సబ్ ఎయిర్ సిస్టమ్
ఎంత పెద్ద వర్షం పడినా, అది ఆగగానే మ్యాచ్‌ను నిర్వహించే గలిగేలా టెక్నాలజీ బెంగళూరు చినస్వామి స్టేడియంలో ఉంది. నిమిషానికి ఏకంగా పది వేల లీటర్ల నీటిని పీల్చేయగల సామర్థ్యం కలిగిన సబ్ ఎయిర్ సిస్టమ్ మైదానంలో ఉంది. అంటే ఈ సిస్టమ్తో వర్షం ఆగిన కాసేపటికే పిచ్‌తో పాటు మైదానం చిత్తడిగా లేకుండా చేయొచ్చు. అయితే స్టేడియం దగ్గర ఇప్పటికే గత రెండు రోజులుగా వర్షం కురుస్తోంది. ఈ రోజు కూడా వర్షం ఆగకుండా కొనసాగితే మాత్రం తొలి రోజు ఆటను చూసే అవకాశం ఉండకపోవచ్చనే చెప్పాలి.
అసలీ సబ్ ఎయిర్ సిస్టమ్ ఏం చేస్తుంది?