IND Vs ENG 3rd Test Devdutt Paddikal : ఇంగ్లాండ్తో ఇప్పటికే రెండు టెస్టులు ముగిశాయి. ఇక మూడో మ్యాచ్ ఫిబ్రవరి 15 నుంచి రాజ్‌కోట్‌ వేదికగా జరగనుంది. అయితే ఈ మ్యాచ్కు ముందే భారత జట్టుకు బిగ్ షాక్ తగిలింది. వికెట్ కీపర్ బ్యాటర్ కేఎల్ రాహుల్ మూడో టెస్ట్లో భాగం అవ్వడం లేదని తెలిసింది. ఇప్పటికే వ్యక్తిగత కారణాల వల్ల సిరీస్ ప్రారంభం నుంచే విరాట్ కోహ్లీ కూడా అందుబాటులో లేదు. రవీంద్ర జడేజా ఫిట్‌నెస్‌పై కూడా అనుమానాలు మెదలుతున్నాయి. అయితే వీటన్నిటీ మధ్య టీమ్ ఇండియాకు ఓ గుడ్ న్యూస్. దేవదత్ పడిక్కల్ ఈ రాజ్‌ కోట్ టెస్టు ద్వారా అరంగేట్రం చేసే అవకాశం ఉందని తెలుస్తోంది.
ఆరు మ్యాచుల్లో నాలుగు సెంచరీలు(Devdutt Paddikal Centuries) : ఎలాగో ఇప్పుడు దేవదత్ పడిక్కల్ మంచి ఫామ్లో కొనసాగుతున్నాడు. గత ఆరు ఫస్ట్ క్లాస్ మ్యాచుల్లో దేవదత్ పడిక్కల్ నాలుగు శతకాలు మోగించాడు. విరాట్ కోహ్లీ, కేఎల్ రాహుల్ వంటి బ్యాటర్ల గైర్హాజరీ నేపథ్యంలో అతడిని జట్టులో భర్తీ చేయాలని అనుకుంటున్నారని తెలిసింది. దీంతో భారత క్రికెట్ అభిమానులు ఖుషీ ఫీలవుతున్నారు.
దేవదత్ పడిక్కల్ ఇంగ్లాండ్ లయన్స్పై 105 పరుగులు సాధించిన సంగతి తెలిసిందే. ఆ తర్వాత రంజీ ట్రోఫీలోనూ పంజాబ్‌పై శతకంలో చెలరేగాడు. 103 పరుగులను ఖాతాలో వేసుకున్నాడు. అయినా అతడు అక్కడితో ఆగకుండా విజృంభిస్తూనే ఉన్నాడు. గోవాపైనా కూడా మళ్లీ శతక మార్కును దాటాడు. ఈ మ్యాచ్‌లో 103 పరుగులతో చెలరేగాడు. అనంతరం తమిళనాడుపై 151 పరుగుల