ఆసీస్​తో మొదలైన తొలి టెస్ట్​ - గిల్ గాయంపై బీసీసీఐ అప్డేట్​

పెర్త్​ వేదికగా మొదలైన బోర్డర్ గావస్కర్ ట్రోఫీ తొలి టెస్ట్ - గిల్​ గాయంపై అప్డేట్ ఇచ్చిన బీసీసీఐ.

Border - Gavaskr Trophy 2024 Shubman Gill Injury Update : బోర్డర్ - గావస్కర్ ట్రోఫీలో భాగంగా పెర్త్‌ వేదికగా ఆస్ట్రేలియా - భారత్​ జట్ల మధ్య తొలి టెస్టు మొదలైంది. టీమ్‌ఇండియా టాస్‌ గెలిచి బ్యాటింగ్​కు దిగింది. తుది జట్టులో కొత్త కుర్రాళ్లైన నితీశ్‌ కుమార్ రెడ్డి, హర్షిత్ రాణాకు చోటు దక్కింది.

అయితే రీసెంట్​గా గిల్​కు గాయమైన సంగతి తెలిసిందే. అతడు వేలికి అయిన గాయం నుంచి కోలుకుని తొలి టెస్ట్ ఆడతాడని అంతా భావించారు. కానీ అది జరగలేదు. టీమ్ మేనేజ్​మెంట్​ అతడికి రెస్ట్ ఇచ్చింది. దీంతో అతడి గాయం తీవ్రతపై ప్రస్తుతం క్రికెట్ అభిమానుల్లో కాస్త ఆందోళన నెలకొంది. ఈ క్రమంలో బీసీసీఐ గిల్ గాయం గురించి అప్డేట్ ఇచ్చింది.

"శుభ్‌మన్ గిల్ వేలికి గాయం అయింది. వాకాలో జరిగిన వార్మప్‌ మ్యాచ్​లో గాయపడ్డాడు. పూర్తిగా అతడు కోలుకోకపోవడం వల్ల మొదటి టెస్టుకు సెలక్ట్ చేయలేదు. బీసీసీఐ మెడికల్ టీమ్ నిరంతరం అతడి పరిస్థితిని గమనిస్తూనే ఉంది" అని బీసీసీఐ తెలిపింది.