Argentina National Football Team to play In Kerala :ఫుట్బాల్ అంటే మన దేశంలో కొన్ని ప్రాంతాల్లో మాత్రమే ఆదరణ ఉంది. ముఖ్యంగా కేరళ, పశ్చిమ్‌ బంగ వాసులకు ప్రత్యేక అభిమానం. ఫుట్బాల్ మ్యాచ్లకు ఆ రాష్ట్రాల్లో సందడి మామూలుగా ఉండదు. ఎక్కడ చూసినా రొనాల్డో నిలువెత్తు కటౌట్లు, మెస్సీ ఫ్లెక్సీలు, నెయ్‌మార్‌ బ్యానర్లు, ప్రపంచకప్ ట్రోఫీలు దర్శనమిస్తున్నాయి. అభిమాన ఆటగాళ్ల జెర్సీలు ధరించి మలయాళీలు, ఫుట్‌బాల్‌ఫై తమకున్న ప్రేమను చాటుకుంటుంటారు.
Lionel Messi to play in Kerala :అయితే తాజాగాభారత ఫుట్బాల్ అభిమానులకు, మరీ ముఖ్యంగా కేరళ ఫుట్ బాల్ ఫ్యాన్స్కు గుడ్ న్యూస్ అందింది. వారి నిరీక్షణకు ఎట్టకేలకు తెరపడింది. అర్జెంటీనా ఫుట్ బాల్ జట్టు 2025లో కేరళ వేదికగా ఓ అంతర్జాతీయ మ్యాచ్ ఆడేందుకు సిద్ధమైంది. ఈ విషయాన్ని కేరళ క్రీడా శాఖ మంత్రి వి.అబ్దురహిమన్ తెలిపారు. అర్జెంటీనా ఫుట్ బాల్ జట్టుతో పాటు లెజండరీ ప్లేయర్ లియోనాల్ మెస్సీ కూడా తమ రాష్ట్రానికి వచ్చి మ్యాచ్ ఆడుతాడని పేర్కొన్నారు. ఈ మ్యాచ్ నిర్వహణ కోసం అవసరమైన నిధులను స్పాన్సర్‌షిప్ ద్వారా అందించనున్నట్లు తెలుస్తోంది.
ఈ అంతర్జాతీయ మ్యాచ్ను పూర్తిగా రాష్ట్ర ప్రభుత్వం పర్యవేక్షణలో జరగనుందని చెప్పారు కేరళ క్రీడా శాఖ మంత్రి అబ్దురహిమన్. "ఈ హై ప్రొఫైల్ ఫుట్ బాల్ ఈవెంట్ నిర్వహించేందుకు కావాల్సిన మొత్తం ఖర్చును రాష్ట్రానికి సంబంధించిన మెర్చంట్స్ ద్వారా అందించబడుతుంది." అని క్రీడా శాఖ మంత్రి అన్నారు. ఈ ప్రతిష్టాత్మక ఫుట్ బాల్ ఈవెంట్ను సమర్థవంతంగా నిర్వహిస్తామని విశ్వాసం వ్యక్తం చేశారు.