Horoscope Today 1st October 2024 :2024 అక్టోబర్ 1వ తేదీ (మంగళవారం) మీ రాశి ఫలం ఎలా ఉందంటే?
మేషం (Aries) :మేష రాశి వారికి ఈ రోజు అనుకూలంగా ఉంటుంది. ఆత్మవిశ్వాసంతో ముందడుగు వేసి అన్నింటా విజయం సాధిస్తారు. భవిష్యత్ పట్ల స్పష్టమైన అవగాహనతో ముందుకెళ్తారు. ఆర్ధిక పరిస్థితి ఆశాజనకంగా ఉంటుంది. అన్ని పనులు అనుకున్నవి అనుకున్నట్లుగా జరగడం వల్ల మానసికంగా ప్రశాంతంగా ఉంటారు. దైవబలంతో ఓ ముఖ్యమైన వ్యవహారంలో పరిస్థితులు మీకు అనుకూలంగా మారుతాయి. విద్యార్థులు చదువులో రాణిస్తారు. ఇష్ట దేవతారాధన శుభకరం.
వృషభం (Taurus) :వృషభ రాశి వారికి ఈ రోజు అనుకూలంగా లేదు. అనారోగ్యం కారణంగా విచారంగా ఉంటారు, ఈ రోజు మొదలుపెట్టిన పనులు అసంపూర్ణంగా మిగులుతాయి. ఖర్చులను అదుపులో ఉంచుకోండి. ఉద్యోగులు కష్టపడి పనిచేయడం వల్ల విజయం సాధించవచ్చు. వ్యాపారులు ఆర్ధిక లావాదేవీల్లో జాగ్రత్తగా ఉండండి. లేదంటే నష్టాలకు గురికావచ్చు. మీ మాటతీరు , కోపాన్ని నియంత్రించుకుంటే మంచిది. లేకుంటే సన్నిహితులతో కలహాలు ఏర్పడే ప్రమాదముంది. సూర్య ఆరాధన మేలు చేస్తుంది.
మిథునం (Gemini) :మిథున రాశి వారికి ఈ రోజు మిశ్రమ ఫలితాలు ఉం టా యి. ముఖ్యంగా ఈ రోజు ఉద్యోగులకు ఫలప్రదంగా ఉంటుంది. ఉద్యోగంలో మార్పు కోరుకునే వారు, ఉద్యోగ ప్రయత్నాలలో ఉన్నవారు ఆశించిన ఉద్యోగాన్ని పొందే అవకాశాలు స్పష్టంగా ఉన్నాయి. ఉద్యోగస్తులు కష్టించి పనిచేసి గతంలో చేపట్టిన ప్రాజెక్టులను విజయవంతంగా పూర్తి చేస్తారు ప్రత్య ర్థు లపై విజయం సాధిస్తారు. కుటుంబ సభ్యులతో మాట్లాడేటప్పుడు వినయవిధేయతలతో ఉండాలి. మీ తల్లి ఆరోగ్యం ఆందోళన కలిగిస్తుంది. దైవబలం మీద విశ్వాసం ఉంచితే ప్రతికూల పరిస్థితులు అనుకూలంగా మారుతాయి. కార్యసిద్ధి హనుమ ఆరాధన శ్రేయస్కరం.
కర్కాటకం (Cancer) :కర్కాటక రాశి వారికి ఈ రోజు అనుకూలంగా ఉంది. అనేక శుభఫలితాలు మీకోసం ఈ రోజు ఎదురు చూస్తున్నాయి. వృత్తి వ్యాపారాలలో అభివృద్ధికి సంబంధించిన శుభవార్తలు వింటారు. కార్యసిద్ధి, ఆర్థికవృద్ధి, శత్రుజయం ఉంటాయి. మీ ప్రియమైన వారితో అద్భుతమైన సమయాన్ని గడుపుతారు. ఉద్యోగస్తులు సహోద్యోగుల సహకారంతో అన్ని పనులు సకాలంలో పూర్తి చేస్తారు. ప్రమోషన్ ఛాన్స్ ఉంది. బంధు మిత్రులతో విందు వినోదాలలో పాల్గొంటారు. శ్రీ విష్ణు సహస్రనామ పారాయణ శుభప్రదం.
సింహం (Leo) :సింహ రాశి వారికి ఈ రోజు విజయవంతంగా ఉంటుంది. గొప్ప ఆత్మవిశ్వాసంతో పనిచేసి వృత్తి వ్యాపారాలలో ఏర్పడిన అవరోధాలను తొలగించుకుంటారు. ఉద్యోగులకు శుభసమయం నడుస్తోంది. ఉద్యోగంలో హోదా పెరుగుతుంది. కొత్త పనులు, బాధ్యతలు చేపడతారు. చేపట్టిన ప్రతీ పని సమర్థవంతంగా పూర్తి చేస్తారు. వ్యాపారంలో లాభాలు అధికంగా ఉంటాయి. ఖర్చులు పెరిగినా ఆదాయం సంతృప్తికరంగా ఉండడంతో ఆనందంగా ఉంటారు. కుటుంబ సంబంధాల విషయంలో కొన్ని ఇబ్బందికర పరిస్థితులు ఉన్నా జీవిత భాగస్వామి సహకారంతో సులభంగానే పరిష్కారమవుతుంది. శ్రీలక్ష్మీ గణపతి ఆలయ సందర్శన శుభకరం.
కన్య (Virgo) :కన్యారాశి వారికి ఈ రోజు సామాన్యంగా ఉంటుంది. వృత్తి వ్యాపారాలలో ఇబ్బందికర పరిస్థితులు తలెత్తుతాయి. అన్నింటికీ అతిగా స్పందించే మీ అలవాటు కారణంగా తీవ్ర ఒత్తిడికి లోనవుతారు. భావోద్వేగాలను అదుపులో ఉంచుకోవడం అవసరం. కుటుంబ కలహాల పట్ల చూసి చూడనట్లు వ్యవహరిస్తే అవే సర్దుకుంటాయి. కోపాన్ని అదుపులో ఉంచుకోండి. ఆదాయాన్ని మించిన ఖర్చులు ఉండవచ్చు. అనారోగ్య సమస్యలు ఇబ్బంది పెడతాయి. ఆదిత్య హృదయం పారాయణతో మెరుగైన ఫలితాలు ఉంటాయి.
తుల (Libra) :తులా రాశి వారికి ఈ రోజు ప్రతికూల ఫలితాలు ఉంటాయి. గ్రహ సంచారం అనుకూలంగా లేనందున చేపట్టిన ప్రతి పనిలోనూ ఆటంకాలు ఎదురవుతాయి. వ్యాపారంలో నష్టాల కారణంగా మానసిక ఆందోళనకు గురవుతారు. ఈ రోజు కొత్తంగా ఏ పనులు ప్రారంభించకండి. ప్రయాణాలు వాయిదా వేస్తే మంచిది. ఉద్యోగుల వ్యక్తిగత సమస్యల కారణంగా పనిపై దృష్టి సారించలేకపోతారు. ఉన్నతాధికారులు మీ పనితీరు పట్ల అసంతృప్తితో ఉంటారు. ఈ సమయంలో అధిక ఒత్తిడి మీ ఆరోగ్యానికి ప్రమాదకరంగా మారుతుంది. అభయ ఆంజనేయ స్వామి ఆరాధనతో ప్రతికూలతలు తొలగిపోతాయి.
వృశ్చికం (Scorpio) :వృశ్చిక రాశి వారికి ఈరోజు అదృష్టకరంగా ఉంటుంది. ఆత్మవిశ్వాసానికి ప్రతిరూపమైన మీకు సాధ్యం కానిది అంటూ ఏదీ ఉండదు. మీదైన శైలిలో పనిచేసి ఉద్యోగ వ్యాపారాలలో మంచి పేరు ప్రఖ్యాతులు సాధిస్తారు. ఉద్యోగులు అద్భుతంగా పనిచేసి అన్ని పనులు సమయాని కంటే ముందే పూర్తి చేస్తారు. పదోన్నతులు, ఆర్థికలాభాలు వంటి శుభ ఫలితాలతో ఆనందంగా ఉంటారు. ఆదాయం పదింతలు పెరుగుతుంది. ఆరోగ్యం బాగుంటుంది. కుటుంబంలో సుఖశాంతులు నెలకొంటాయి. ఇష్ట దేవతారాధన శుభకరం.
ధనుస్సు (Sagittarius) :ధనుస్సు రాశి వారికి ఈ రోజు అనుకూలంగా ఉంటుంది. తారాబలం అనుకూలంగా ఉంది కాబట్టి ఈ రోజు అన్ని రంగాల వారికి పట్టిందల్లా బంగారం అవుతుంది. అందరికీ సహయం చేసే మీ మంచి మనసు కారణంగా సమాజంలో గౌరవ మర్యాదలు పెరుగుతాయి. చేపట్టిన పనులు విజయవంతంగా పూర్తి చేస్తారు. పనిచేసే చోట మీ అధికారులను మెప్పిస్తారు. మీకు పదోన్నతి వచ్చే అదృష్టం వుంది. వ్యాపార సంబంధమైన ప్రయాణం చేసే అవకాశం వుంది. పిత్రార్జితం నుంచి లాభాలు పొందే సూచనలు ఉన్నాయి. కోపాన్ని అదుపులో ఉంచుకోండి. ఇష్ట దేవతారాధన మేలు చేస్తుంది.
మకరం (Capricorn) :మకర రాశి వారికి ఈ రోజు మిశ్రమ ఫలితాలు ఉంటాయి. అన్ని రంగాల వారికి చేపట్టిన ప్రతి పనిలోనూ సవాళ్లు ఎదురవుతాయి. సహనంతో ఉంటూ సమయానుకూలంగా నడుచుకుంటే విజయం సిద్ధిస్తుంది. ఉద్యోగులకు సహోద్యోగుల సహకారం ఉంటుంది. ఆదాయాన్ని మించిన ఖర్చులు ఉంటాయి. ఆరోగ్య పరిస్థితి ఆందోళనకరంగా ఉండవచ్చు. బంధువులతో మనస్పర్థలు ఏర్పడవచ్చు. వ్యాపారంలో శ్రమకు తగిన ఫలం లేక అశాంతితో ఉంటారు. ధార్మిక, ఆధ్యాత్మిక కార్యక్రమాలలో పాల్గొంటే ప్రశాంతంగా ఉంటుంది. కార్యసిద్ధి హనుమ ఆరాధనతో మెరుగైన ఫలితాలు ఉంటాయి.
కుంభం (Aquarius) : కుంభ రాశి వారికి ఈ రోజు అద్భుతంగా ఉంటుంది. వ్యాపారంలో ఊహించని లాభాలతో సంతోషంగా ఉంటారు. కొత్త వ్యాపారాలు ప్రారంభించడానికి అనుకూలమైన సమయం. భాగస్వాములతో సత్సంబంధాలు నెలకొంటాయి. సమాజంలో కీర్తి, ప్రతిష్ఠ సాధిస్తారు. ఉద్యోగంలో ప్రశంసలు, పదోన్నతులు ఉంటాయి. సిరిసంపదలు వృద్ధి చెందుతాయి. గృహంలో సుఖశాంతులు నెలకొంటాయి. శ్రీలక్ష్మీదేవి ఆరాధన శుభకరం.
మీనం (Pisces) :మీన రాశి వారికి ఈరోజు సాధారణంగా ఉంటుంది. జీవిత భాగస్వామితో కలహాల కారణంగా విచారంగా ఉంటారు. వృత్తి వ్యాపారాలలో ఆశించిన ఫలితాలు ఉండకపోవచ్చు. బంధువుల ప్రవర్తన మనస్తాపం కలిగిస్తుంది. వ్యాపారంలో పోటీ పెరగడం వల్ల నష్టాలు చవి చూడాల్సి వస్తుంది. సహనంతో ఉండడం అవసరం. ఆర్ధిక పరిస్థితి సామాన్యంగా ఉంటుంది. రుణభారం పెరగవచ్చు. ఆరోగ్యం సహకరిస్తుంది. గణపతి ఆలయ సందర్శనతో మెరుగైన ఫలితాలు ఉంటాయి.
