ప్రపంచంలోనే అతి పెద్ద క్రూజ్ షిప్ తొలి విహారం- ఒకేసారి 10 వేల మంది ప్రయాణం - ప్రపంచంలోనే అతి పెద్ద విహార నౌక
World Biggest Cruise Ship : ప్రపంచంలోనే అతిపెద్ద క్రూజ్ నౌక విహారానికి సిద్ధమైంది. అమెరికాలోని మయామీ తీరం నుంచి జనవరి 27 సాయంత్రం ఈ నౌక తొలి ప్రయాణాన్ని ప్రారంభించింది. వారం రోజుల పాటు కరీబియన్ దీవులను చుట్టేయనుంది. ఈ అతిపెద్ద నౌక ప్రత్యేకలు ఓ సారి చుద్దాం.
Icon Of The Seas : ప్రపంచంలోనే అతిపెద్ద క్రూజ్ నౌక 'ఐకాన్ ఆఫ్ ది సీస్' తొలి విహారాన్ని ప్రారంభించింది.రాయల్ కరీబియన్ సంస్థకు చెందిన ఈ నౌక, అమెరికాలోని ఫోరిడా రాష్ట్రం మయామీ పోర్టు నుంచి జనవరి 27 సాయంత్రం బయలుదేరింది. వారం రోజుల పాటు సముద్ర జలాలపై విహరిస్తూ వివిధ దీవులను చుట్టేయనుంది.ఈ నౌక దాదాపు 1,200 అడుగులు (365 మీటర్లు). గంటకు గరిష్ఠంగా 22 నాటికల్‌ మైళ్ల (41 కి.మీ) వేగంలో ప్రయాణించగలదు.ఈ విలాసవంత నౌకలో 20 డెక్‌లు, ఆరు వాటర్‌స్లైడ్‌లు, ఏడు ఈత కొలనులు, ఐస్ స్కేటింగ్ రింక్, సినిమా థియేటర్, 40కి పైగా రెస్టారెంట్‌లు, బార్లు ఉన్నాయి.
ఈ నౌకకు 2,350 మంది సిబ్బంది, గరిష్ఠంగా 7,600 మంది ప్రయాణికులను తీసుకెళ్లే సామర్థ్యం ఉందిఇంటర్ మయామీ సీఎఫ్‌ ఫుట్‌బాల్‌ క్లబ్‌లో సభ్యుడైన ప్రముఖ క్రీడాకారుడు మెస్సి, అతడి సహచరులు కలిసి ఈ నౌకకు పేరు పెట్టారు.తూర్పు కరేబియన్ దీవులు చుడుతూ ఫిబ్రవరి 3న ఈ నౌక తిరిగి మయామీకి చేరుకోనుంది.ప్రపంచలోనే అతి పెద్ద క్రూజ్ నౌక
