"హోటల్​ స్టైల్​ క్రిస్పీ దోశలు" - పక్కా కొలతలతో పర్ఫెక్ట్​గా వస్తాయి!

అటుకులతో అద్దిరిపోయే దోశలు - ఇలా చేస్తే ఒకటికి రెండు తినాల్సిందే!

Poha Dosa Recipe in Telugu :క్రిస్పీగా ఎర్రగా ఉండే హోటల్​ స్టైల్​ దోశలంటే అందరికీ ఇష్టమే! ఈ దోశలు చేయడానికి చాలా మంది ఇంట్లో ఎన్నోసార్లు ప్రయత్నించి ఉంటారు. అయినా కూడా కొన్నిసార్లు దోశలు మెత్తగా వస్తుంటాయి. అయితే, ఒక్కసారి ఈ స్టోరీలో చెప్పిన విధంగా కొలతలు పాటించి అటుకుల దోశలు ట్రై చేయండి. అచ్చం హోటల్​ స్టైల్​ క్రిస్పీ దోశలనుఇంట్లో ప్రిపేర్ చేసుకోవచ్చు. మరి ఇక ఆలస్యం చేయకుండా అటుకుల దోశ తయారు చేయడానికి కావాల్సిన పదార్థాలు? తయారీ విధానం ఏంటో చూసేయండి!

కావాల్సిన పదార్థాలు :

• బియ్యం - 1 కప్పు
• అటుకులు - అరకప్పు
• పెరుగు - అరకప్పు
• మినపపప్పు - 1 టేబుల్​స్పూన్​
• ఉప్పు - రుచికి సరిపడా
• వంటసోడా - పావుచెంచా
• నూనె - తగినంత

తయారీ విధానం :

• ఇందుకోసం ముందుగా ఒక మిక్సింగ్​ బౌల్లో బియ్యం తీసుకోండి. ఇందులో అటుకులు, మినప్పప్పు వేసి శుభ్రంగా కడగండి. ఆపై బౌల్లో నీళ్లు పోసి రెండుగంటల పాటు నాననివ్వండి.
• తర్వాత మరో గిన్నెలో పెరుగు వేసి బాగా చిలకండి. తర్వాత నీళ్లు పోసుకుని పల్చని మజ్జిగలా చేసుకోండి. అనంతరం రెండుగంటలు నీటిలో నానబెట్టిన బియ్యం, అటుకుల మిశ్రమాన్ని మజ్జిగలో వేసి 3 గంటలు నానబెట్టండి.
• తర్వాత మిక్సీ గిన్నెలో ఈ మిశ్రమం వేసుకుని మజ్జిగతోనే మెత్తగా గ్రైండ్​ చేసుకోవాలి.
• ఇలా గ్రైండ్​ చేసుకున్న మిశ్రమాన్ని ఓ గిన్నెలోకి తీసుకోండి. ఇందులో వంటసోడా, రుచికి సరిపడా ఉప్పు వేసి పూర్తిగా కలపాలి. ఆ తర్వాత మూత పెట్టి ఓ నాలుగు గంటలు లేదా రాత్రి మొత్తం పులిసేలా పక్కన ఉంచాలి.
• ఆ మరుసటి రోజు మార్నింగ్​ పిండిని మరొక్కసారి బాగా కలపండి.
• ఇప్పుడు స్టవ్​ ఆన్​ చేసి దోశ పెనం పెట్టి వేడి చేసుకోవాలి. పాన్​ వేడెక్కిన తర్వాత పిండిని పల్చగా దోశలా వేసుకోవాలి.
• ఆపై అంచుల వెంట కొద్దిగా నూనె వేసుకుని దోశను ఎర్రగా కాల్చుకోవాలి. ఈ దోశ కాలుతున్న సమయంలో స్టవ్​ మీడియం ఫ్లేమ్​లో అడ్జస్ట్​ చేసుకోండి. లేదంటే దోశ మాడిపోయే అవకాశం ఉంటుంది.
• ఈ దోశపై మీరు ఆలూ కర్రీ, నెయ్యి కారం కూడా అప్లై చేసుకోవచ్చు. ఇలా దోశ ప్రిపేర్​ చేసుకుంటే రుచి ఇంకా బాగుంటుంది.
• క్రిస్పీగా కాలిన దోశను వేడివేడిగా కొబ్బరి చట్నీ, అల్లం పచ్చడితో తింటే సూపర్​గా ఉంటుంది.
• అంతే మిగిలిన పిండితో ఇలా దోశలు వేసుకుంటే సరి. ఈ అటుకుల దోశలు చేయడానికి నాన్​స్టిక్ పాన్​ కంటే మందంగా ఉండే దోశ పెనం ఉపయోగిస్తే దోశలు ఇంకా ఎర్రగా సూపర్​ టేస్టీగా వస్తాయి.
• అటుకుల దోశలను పిల్లలు, పెద్దలందరూ ఎంతో ఇష్టంగా తింటారు.
• ఈ క్రిస్పీ అటుకుల దోశ నచ్చితే మీరు ఓసారి ఇంట్లో ట్రై చేయండి.