Maha shivaratri Special Sweet Recipes :పరమ పవిత్రమైన మహా శివరాత్రి పర్వదినం వచ్చేస్తోంది. ఈ పండగ రోజున ఇంటా బయటా మంత్రాల నామస్మరణతో సందడి వాతావరణం కనిపిస్తుంది. భక్తిప్రపత్తులతో పూజలు చేస్తాం. ఇక ఉపవాసం, జాగరణ చేసి ఆ ముక్కంటిని వేడుకుంటాం. అంతేనా, పరమేశ్వరుడికి పూలూ పండ్లతోబాటు పరవన్నం నైవేద్యంగా సమర్పిస్తాం. అయితే, ఎప్పుడూ ఒకటే రకం ప్రసాదాలు కాకుండా ఈసారి ఈశ్వరుడికి ఈ నివేదనలు సమర్పించండి. మరి ఆ ప్రసాదాల తయారీ, కావాల్సిన పదార్థాలు ఈ స్టోరీలో తెలుసుకుందాం.
యాపిల్‌ షీరా:
కావలసిన పదార్థాలు:
- ఊదలు - ముప్పావు కప్పు
- యాపిల్‌ పండ్లు - 2
- చిక్కటి పాలు - ఒకటిన్నర కప్పు
- బెల్లం పొడి - అర కప్పు
- నెయ్యి - పావు కప్పు
- యాలకుల పొడి - అర చెంచా
- కుంకుమపువ్వు - కొద్దిగా
- డ్రైప్రూట్స్‌ పలుకులు - 2 టేబుల్‌ స్పూన్లు
తయారీ విధానం:
- ఊదలను శుభ్రంగా కడిగి ఎండబెట్టాలి. బాగా ఎండిన తర్వాత దోరగా వేయించి, బరకగా గ్రైండ్‌ చేయాలి.
- యాపిల్స్‌ పై పొట్టు, గింజలు తీసి గుజ్జు చేయాలి.
- స్టవ్ ఆన్ చేసి అడుగుభాగం మందంగా ఉన్న పాత్ర పెట్టి నెయ్యి వేసి వేడి చేయాలి.
- అందులో యాపిల్‌ గుజ్జు, ఊదల మిశ్రమం, బెల్లం పొడి, కుంకుమపువ్వు, యాలకుల పొడి వేసి కలియతిప్పుతూ సన్నసెగ మీద దగ్గరపడేంతవరకు ఉడికించాలి.
- చివర్లో డ్రైప్రూట్స్‌ పలుకులు జోడించి స్టవ్ ఆఫ్ చేసి ఓ గిన్నెలోకి తీసుకుని నైవేద్యంగా సమర్పించాలి.
బొప్పాయి హల్వా