Beerakaya Milk Curry:బీరకాయను చాలా రకాలుగా వండుకుంటుంటారు. కొందరు శనగపప్పుతో కలిపి కర్రీ చేసుకోగా మరి కొందరు పచ్చళ్లు చేసుకుంటారు. ఇంకొందరు బీరకాయ పప్పు చేసుకుంటుంటారు. అయితే ఇలా ప్రతీసారి రొటీన్గా కాకుండా వెరైటీగా తినాలంటే.. బీరకాయలో పాలు పోసి వండండి. టేస్ట్ అద్దిరిపోతుంది. దీనిని ప్రిపేర్ చేయడానికి ఎక్కువ కష్టపడాల్సిన అవసరం కూడా లేదు. మరి ఇంకెందుకు ఆలస్యం ఈ కర్రీ ఎలా ప్రిపేర్ చేసుకోవాలో? ఇందులోకి కావాల్సిన పదార్థాలు ఏంటో? ఇప్పుడు తెలుసుకుందాం.
కావాల్సిన పదార్థాలు
- పావు కప్పు పచ్చి కొబ్బరి ముక్కలు
- ఒక చెంచా జీడిపప్పు
- ఒక టీ స్పూన్ గసగసాలు
- అర ఇంచు దాల్చిన చెక్క (ఆప్షనల్)
- 3 పచ్చిమిరపకాయలు
- అర కప్పు కొబ్బరి పాలు
- 2 టేబుల్ స్పూన్ల నూనె
- ఒక టీ స్పూన్ ఆవాలు
- ఒక టీ స్పూన్ జీలకర్ర
- రెండు రెబ్బల కరివేపాకు
- 350 గ్రాముల బీరకాయ ముక్కలు
- ముప్పావు కప్పు పాలు (కొబ్బరి లేదా సాధారణ పాలు)
- రుచికి సరిపడా ఉప్పు
- కొద్దిగా కొత్తిమీర తరుగు
తయారీ విధానం
- ముందుగా కూర వండే 30 నిమిషాల ముందు ఓ గిన్నెలో పచ్చి కొబ్బరి ముక్కలు, జీడిపప్పు, గసగసాలు, దాల్చిన చెక్క, పచ్చి మిర్చి, కొబ్బరి పాలు పోసి నానబెట్టాలి.
- ఆ తర్వాత నానబెట్టిన మిశ్రమాన్ని మిక్సీ జార్లో వేసి మెత్తగా గ్రైండ్ చేసుకోవాలి.
- ఇప్పుడు స్టౌ ఆన్ చేసి పాన్ పెట్టి నూనె పోసి వేడి చేసుకోవాలి.
- ఇందులోనే జీలకర్ర, ఆవాలు, కరివేపాకు వేసి కాసేపు చిటపటమనించాలి.
- ఆ తర్వాత చెక్కు తీసిన లేత బీరకాయ ముక్కలు వేసి కలిపి మూత పెట్టి సుమారు 15 నిమిషాల పాటు మగ్గించుకోవాలి.
- ఇప్పుడు మూత తీసి కలిపి పాలు పోసి మెత్తగా మగ్గనివ్వాలి.
- ఆ తర్వాత కాసేపటికి ముందుగానే గ్రైండ్ చేసుకున్న కొబ్బరి మిశ్రమం, కొద్దిగా నీళ్లు పోసి కలిపి 5 నిమిషాల పాటు మగ్గనివ్వాలి. (కారం తక్కువగా ఉంది అనిపిస్తే ఎండు కారం వేసుకోవచ్చు)
- అనంతరం రుచికి సరిపడా ఉప్పు, కొత్తిమీర వేసి కలిపి దించేసుకుంటే టేస్టీ పాలు పోసిన బీరకాయ కర్రీ రెడీ!
- దీనిని వేడి వేడి అన్నంలో లేదా చపాతీలకు అద్భుతంగా ఉంటుంది.
రొటీన్ పులావ్లు తిని బోర్ కొట్టిందా? - వెరైటీగా నవరతన్ పులావ్ చేసుకోండి - రెస్టారెంట్ టేస్ట్ పక్కా! - Navratan Pulao Recipe in Telugu
నోరూరించే "ఆంధ్ర స్టైల్ చేపల పులుసు" - ఈ పద్ధతిలో చేస్తే టేస్ట్ కేక అంతే! - Chepala Pulusu Recipe
