How to Make Maramarala Barfi :మరమరాలతో చాట్, మిక్చర్, ముంత మసాలా, పోహా, దోశలు, ఇడ్లీలు, లడ్డూ.. ఇలా ఒక్కటేమిటి ఎన్నోరకాల వంటకాలు ప్రిపేర్ చేస్తుంటారు. అయితే.. వీటితో చేసే ఏ రెసిపీ అయినా టేస్ట్ చాలా బాగుంటుంది. కానీ.. వాటితో స్వీట్ కూడా చేయొచ్చని మీకు తెలుసా? అది కూడా నిమిషాల్లోనే బర్ఫీ సిద్ధమవుతుంది. రుచి అద్భుతంగా ఉంటుంది. పైగా ఈ స్వీట్ చేయడానికి ఎక్కువ పదార్థాలు కూడా అవసరం లేదు. మరి, ఈ బర్ఫీకి కావాల్సిన పదార్థాలు, తయారీ విధానం ఈ స్టోరీలో చూద్దాం..
మరమరాల బర్ఫీకి కావాల్సిన పదార్థాలు:
- మరమరాలు - 2 కప్పులు
- జీడిపప్పు పలుకులు - 15
- పంచదార - అర కప్పు
- యాలకులు - 4
- కాచి చల్లార్చిన పాలు - పావు కప్పు
- పిస్తా - 5
- బాదం - 5
తయారీ విధానం:
- ముందుగా స్టవ్ ఆన్ చేసి పాన్ పెట్టి మరమరాలు, జీడిపప్పు దోరగా వేయించుకుని పక్కకు పెట్టుకోవాలి.
- ఇప్పుడు మిక్సీజార్ తీసుకుని అందులోకి పంచదార, యాలకులు వేసి మెత్తగా పొడి చేసుకోవాలి.
- ఇప్పుడు ఓ బౌల్ తీసుకుని పంచదారను జల్లించుకోవాలి. ఇప్పుడు అందులోకి కాచి చల్లార్చిన పాలను కొద్దికొద్దిగా పోసుకుంటూ పంచదార కరిగే వరకు కలుపుకోవాలి.
- ఇప్పుడు అదే మిక్సీ జార్లో వేయించిన మరమరాలు, జీడిపప్పు పలుకుసు వేసుకుని మెత్తని పొడిలా చేసుకోవాలి. ఇలా వీటిని వేయించుకోవడం వల్ల పచ్చి వాసన పోవడంతో పాటు స్వీట్ రుచికరంగా ఉంటుంది.
- ఇలా మిక్సీ పట్టుకున్న మరమరాల మిశ్రమాన్ని జల్లించుకోవాలి. పొడి జల్లించుకున్న తర్వాత పంచదార మిశ్రమంలో వేసి కలుపుకోవాలి. ఆ సమయంలో మిగిలిన పాలను కొద్దికొద్దిగా పోసుకుంటూ ముద్దగా చేసుకోవాలి.
- ఆ తర్వాత అందులోకి సన్నగా కట్ చేసిన పిస్తా, బాదం పప్పు పలుకులు వేసుకోవాలి.
- అనంతరం చేతికి నెయ్యి అప్లై చేసుకుని మిశ్రమాన్ని సాఫ్ట్గా ముద్దగా కలుపుకోవాలి.
- ఆ తర్వాత ఓ స్టీల్ లేదా ప్లాస్టిక్ బాక్స్ తీసుకుని దాని లోపల నెయ్యి రాసుకోవాలి. ఆ తర్వాత కలుపుకున్న మరమరాల మిశ్రమాన్ని సమానంగా పరిచి కొద్దిసేపు పక్కకు పెట్టుకోవాలి.
- గంట తర్వాత తీసి కావాల్సిన షేప్లో కట్ చేసుకుంటే ఎంతో టేస్టీగా ఉండే మరమరాల బర్ఫీ రెడీ.
- నిమిషాల్లో రెడీ అయ్యే ఈ స్వీట్ను మీరూ ఓసారి ట్రై చేయండి..
సూపర్ క్రంచీ "పల్లీ కొబ్బరి పట్టిలు"- ఈ విధంగా చేస్తే అద్భుతంగా వస్తాయి!
నోరూరించే "సీతాఫల్ ఐస్క్రీమ్" - ఇలా చేస్తే టేస్ట్ వేరే లెవల్ బాస్ - ఓసారి ట్రై చేస్తారా?
