How to Clean the Mixer Jar Base : వంటింట్లో రోజూ ఎన్నో వస్తువులు ఉపయోగిస్తుంటాం. వాటిలో మిక్సీలు కూడా ఒకటి. చట్నీలు, పొడులు, జ్యూస్లు, పేస్ట్లు అంటూ ఎన్నో వంటకాల కోసం మిక్సీ జార్లను వాడుతుంటాం. అయితే వాడటం వరకు బానే ఉన్నా వాటి క్లీనింగ్ విషయానికి వచ్చేసరికి చాలా మంది నిర్లక్ష్యం చేస్తుంటారు. కేవలం పైపైనే శుభ్రం చేసి మమా అనిపిస్తుంటారు. ఫలితంగా మిక్సీ జార్ లోపల బ్లేడ్లు పదును తగ్గడం సహా గిన్నె అడుగు భాగానా నల్లగా పేరుకుపోతుంది. దీంతో వాటిని క్లీన్ చేయడానికి నానా ఇబ్బందులు పడుతుంటారు. అయితే కొన్ని టిప్స్ పాటిస్తే మిక్సీ జార్ అడుగు భాగాన్ని ఈజీగా క్లీన్ చేసుకోవచ్చని చెబుతున్నారు కిచెన్ ఎక్స్పర్ట్స్. ఆ వివరాలు ఈ స్టోరీలో తెలుసుకుందాం.
డిష్వాషింగ్ లిక్విడ్:
- ఓ గిన్నెలోకి 2 టీ స్పూన్ల డిష్వాషింగ్ లిక్విడ్, 1 టీ స్పూన్ బేకింగ్ సోడా, కొద్దిగా వెనిగర్ పోసి పేస్ట్లాగా చేయాలి.
- ఆ తర్వాత ఆ పేస్ట్ను మిక్సీ జార్ అడుగు భాగాన అప్లై చేసి ఓ పావు గంట సేపు వదిలేయాలి.
- అనంతరం టూత్బ్రష్ సాయంతో బాగా రుద్దాలి. ఆ తర్వాత వాటర్తో క్లీన్ చేసి పొడి వస్త్రంతో తుడిస్తే సరి. అడుగున ఉన్న మురికి పోయి శుభ్రంగా ఉంటుంది.
డిటర్జెంట్ వాషింగ్ పౌడర్:
- ఓ గిన్నెలోకి 2 టేబుల్ స్పూన్ల డిటర్జెంట్ వాషింగ్ పౌడర్ వేయాలి. ఆ తర్వాత అందులోకి 1 టేబుల్ స్పూన్ ఉప్పు వేసి, ఆ రెండింటిని బాగా కలపాలి.
- ఆ తర్వాత కొన్ని వాటర్ కలుపుకుని పేస్ట్లాగా చేసుకోవాలి.
- ఆ పేస్ట్ను మిక్సీ జార్ అడుగు భాగాన అప్లై చేసి ఓ పావు గంట సేపు వదిలేయాలి.
- అనంతరం టూత్బ్రష్ సాయంతో బాగా రుద్ది వాటర్తో క్లీన్ చేసి పొడి వస్త్రంతో తుడిస్తే సరి.
వెనిగర్, బేకింగ్ సోడా:
- మిక్సీజార్ను బోర్లా ఉంచి అడుగున ఒకటిన్నర టేబుల్ స్పూన్ బేకింగ్ సోడా వేయాలి.
- ఆ తర్వాత వెనిగర్ యాడ్ చేయాలి. బేకింగ్ సోడా, వెనిగర్ను ఓసారి కలిపి రాత్రి మొత్తం అలానే వదిలేయాలి.
- ఆ మరుసటి రోజు టూత్బ్రష్ సాయంతో బాగా రుద్దాలి. ఆ తర్వాత ట్యాప్ వాటర్తో క్లీన్ చేయాలి. తడి లేకుండా పొడి క్లాత్తో క్లీన్ చేయాలి.
బేకింగ్ సోడా, నిమ్మకాయ:
- ఓ గిన్నెలోకి బేకింగ్ సోడా తీసుకోవాలి. ఆ సోడాలోకి రెండు నిమ్మకాయల రసాన్ని పిండుకోవాలి.
- ఇప్పుడు ఈ రెండింటిని బాగా కలపాలి.
- స్క్రబ్బర్ను ఈ నిమ్మకాయ మిశ్రమంలో ముంచి మిక్సీజార్ అడుగును రుద్దాలి.
- బాగా స్క్రబ్ చేసిన తర్వాత నీళ్లతో శుభ్రం చేయాలి. ఆ తర్వాత పొడి క్లాత్తో తుడిస్తే సరి.
- అయితే ఒక్కసారికే అడుగు భాగాన ఉన్న మురికి పోదు. కాకపోతే రెండు రోజులకొకసారి ఇలా క్లీన్ చేయడం వల్ల వాటి మురికి తొలగిపోయి కొత్తవాటిలా కనిపిస్తాయి.
ప్రెషర్ కుక్కర్ మాడిందా? - ఈ టిప్స్తో క్లీన్ చేస్తే మరకలు ఇట్టే మాయం!
సెరామిక్ పాత్రలను ఇలా శుభ్రం చేయండి - ఎలాంటి మరకలైనా ఈజీగా తొలగిపోతాయట!
కూల్డ్రింక్ మిగిలితే పారబోస్తున్నారా? - దాని ఉపయోగాలు తెలిస్తే నోరెళ్లబెడతారు!
