BUTTERMILK MASALA POWDER RECIPE :వేసవి వచ్చిందంటే చాలు! చల్లచల్లగా ఏదైనా తాగాలనిపిస్తుంది. అందుకే వేసవిలో పళ్ల రసాలకు ఎంతో డిమాండ్ ఉంటుంది. పండ్ల ధరలు కూడా భగ్గుమంటుంటాయి. ఈ నేపథ్యంలో సహజ సిద్ధంగా లభించే మజ్జిగకు ఆంధ్రా ప్రజలు ఎక్కువ ప్రాధాన్యం ఇస్తుంటారు. వేసవిలో మజ్జిగ లేని ఇల్లు ఉండదంటే ఆశ్చర్యపోవాల్సిన అవసరం లేదు. ఈ కాలం పిల్లల్లో కొంత మందికి పెరుగు, మజ్జిగ అంటే పడడం లేదు. అలాంటి వారే కాకుండా ఎవరైనా సరే మజ్జిగ అంటే ఇష్టపడడమే కాదు నాలుగైదు గ్లాసులు లాగించేలా ఓ పొడిని సిద్ధం చేసి పెట్టుకుంటే చాలు! రెడీమేడ్గా ఉంచుకోవడం వల్ల ఎప్పుడంటే అప్పుడు మజ్జిగలో కలుపుకొని తాగేయొచ్చు.
10నిమిషాల్లో చిక్కటి గడ్డ పెరుగు - రసాయనాలు లేకుండానే చిన్న చిట్కాతో ఇలా తయారు చేసుకోండి
పెరుగులో కొంచెం పొడి, నీళ్లు వేసి చిలికి మజ్జిగ చేసుకుంటే సరిపోతుంది. మజ్జిగ మేలు చేసేదే అయినా రోజూ తాగాలంటే తాగలేరు కాబట్టి ఇలా ఘుమఘుమలాడే ఇన్స్టంట్ మజ్జిగ పొడి వేస్తే ఎన్ని గ్లాసులైనా తాగేయొచ్చు! రాత్రి భోజనం చేసిన తరువాత తాగితే గ్యాస్ సమస్యలున్నవారికి ఎంతో మేలు చేస్తుంది.
మజ్జిగ పొడి పరిమళం కోసం ప్రతీ పదార్ధం సన్నని సెగ మీద సువాసన వచ్చేదాకా వేపుకోవాలి. అప్పుడే గింజ లోపలి దాకా వేగి పొడికి సువాసన వస్తుంది. ముందుగా ముదురు కరివేపాకు కడిగి ఆరబెట్టుకుని చెమ్మ ఆరిపోయేదాకా కలుపుతూ వేపుకోవాలి. కరివేపాకు బదులు పుదీనా కూడా వాడుకోవచ్చు. కప్పు పెరుగులో మూడు కప్పుల నీళ్లు పోసుకుంటే పలుచని మజ్జిగ తయారవుతుంది. అందుకే పెరుగును కొద్దిగా చిలికి పొడి వేసుకుని నీళ్లు పోసుకోవాలి.