పచ్చడి, పప్పు మాత్రమే కాదు - ఇలా "గోంగూర ఉల్లికారం" చేసుకోండి! - టేస్ట్ అద్భుతం!

చలికాలం నోటికి కమ్మగా, పుల్లగా ఉండే "గోంగూర ఉల్లికారం" - సింపుల్​గా ప్రిపేర్ చేసుకోండిలా!

Gongura Ulli karam Recipe in Telugu :గోంగూర.. ఈ పేరు చెబితే చాలు గుటకలు వేయని తెలుగువారు ఉండరేమో. అయితే, మెజార్జీ పీపుల్ గోంగూరతో ఎక్కువ పచ్చడి, పప్పు వంటివి ప్రిపేర్ చేసుకుంటుంటారు. అలాగని ఎప్పుడూ ఒకేలా తినాలన్నా కూడా బోరింగ్​గా అనిపిస్తుంది. కాబట్టి, ఓసారి ​ఇలా గోంగూర ఉల్లికారం ప్రిపేర్ చేసుకోండి. టేస్ట్ అద్భుతంగా ఉండి తిన్నాకొద్దీ తినాలనిపిస్తుంది. ముఖ్యంగా చలికాలం గోంగూరను తినడం ఆరోగ్యానికి ఎంతో మేలు చేస్తుంది. పైగా దీన్ని ప్రిపేర్ చేసుకోవడం చాలా సులువు! మరి, ఈ హెల్దీ అండ్ టేస్టీ రెసిపీని ఎలా తయారు చేసుకోవాలి? అందుకు కావాల్సిన పదార్థాలేంటి? అనే వివరాలు ఇప్పుడు చూద్దాం.

కావాల్సిన పదార్థాలు :

• నాలుగు కట్టలు - గోంగూర
• 4 - ఉల్లిపాయలు
• 10 - వెల్లుల్లి రెబ్బలు
• 1 చెంచా - ధనియాలు
• తగినంత - కారం
• 1 చెంచా - ఆవాలు
• 2 చెంచాలు - జీలకర్ర
• రుచికి సరిపడా - ఉప్పు
• అర చెంచా - శనగపప్పు
• అర చెంచా - మినప్పప్పు
• రెండు స్పూన్లు - నూనె
• 2 - ఎండుమిర్చి
• గుప్పెడు - కరివేపాకు

తయారీ విధానం :

• ఇందుకోసం ముందుగా గోంగూరనుగిల్లుకుని శుభ్రంగా కడగాలి. ఆపై సన్నగా తరుక్కొని ఒక గిన్నెలోకి తీసుకొని పక్కన ఉంచుకోవాలి. అలాగే, ఉల్లిపాయలను కాస్త పెద్ద సైజ్ ముక్కలుగా కట్ చేసుకొని రెడీగా పెట్టుకోవాలి.
• ఇప్పుడు మిక్సీ జార్ తీసుకొని అందులో తరిగి పెట్టుకున్న ఉల్లిపాయ ముక్కలు, వెల్లుల్లి రెబ్బలు, 1 చెంచా జీలకర్ర, ధనియాలు, కారం వేసుకొని మెత్తగా గ్రైండ్ చేసుకొని పక్కన ఉంచుకోవాలి.
• అనంతరం స్టౌపై పాన్ పెట్టుకొని ఆయిల్ వేసుకోవాలి. నూనె కాస్త వేడయ్యాక జీలకర్ర, ఆవాలు, శనగపప్పు, మినప్పప్పు, ఎండుమిర్చి, కరివేపాకు వేసుకొని తాలింపుని చక్కగా వేగించుకోవాలి.
• తాలింపు మంచిగా వేగిన తర్వాత ముందుగా మిక్సీ పట్టుకున్న ఉల్లికారంపేస్ట్​ను వేసుకొని ఒకసారి బాగా మిక్స్ చేసుకోవాలి.
• ఆపై మీడియం ఫ్లేమ్ మీద మిశ్రమాన్ని మంచిగా వేగే వరకు ఉడికించుకోవాలి. అనంతరం ముందుగా సిద్ధం చేసి పెట్టుకున్న గోంగూరను వేసి ఒకసారి మొత్తం కలిసేలా చక్కగా కలుపుకోవాలి.
• ఆ తర్వాత పాన్​పై మూత పెట్టి మీడియం ఫ్లేమ్ మీద మధ్యమధ్యలో కలుపుతూ పది నిమిషాల పాటు ఉడికించుకోవాలి.
• గోంగూర చక్కగా ఉడికిందనుకున్నాక మూత తీసి మరోసారి కలిపి దింపేసుకుంటే చాలు. అంతే.. ఎంతో రుచికరంగా ఉండే "గోంగూర ఉల్లికారం" మీ ముందు ఉంటుంది!
• దీన్ని వేడివేడి అన్నంలో వేసుకొని తింటుంటే కలిగే ఆ ఫీలింగ్ అద్భుతః అని చెప్పుకోవచ్చు. మరి, ఇంకెందుకు నచ్చితే మీరు ఓసారి ఈ గోంగూర ఉల్లికారాన్ని ట్రై చేయండి.

ఇవీ చదవండి :