కిటికీ మూలలు, స్లైడ్‌ ట్రాక్స్‌ క్లీన్ చేయడం ఇబ్బందిగా ఉందా ? - ఈ టిప్స్​ పాటిస్తే చిటికెలో ప్రాబ్లమ్​ సాల్వ్​! - Tips To Clean Windows

Tips For Window Cleaning : ప్రతిరోజు ఇళ్లు క్లీన్ చేయడం, వారానికి రెండుమూడుసార్లు ఫ్లోర్​ కడగడం చాలా మంది చేసే పనే. ఇక పండగల సమయంలో ఇంట్లోని ప్రతీ వస్తువును శుభ్రం చేస్తుంటారు మహిళామణులు. అయితే ఇళ్లు మొత్తం క్లీన్​ చేసినా రాని అలుపు.. కిటికీలు శుభ్రం చేస్తే వస్తుంది. అందుకు కారణం.. వాటి మూలలు త్వరగా శుభ్రం కావు కాబట్టి. అయితే, ఈ టిప్స్​ పాటిస్తూ క్లీన్​ చేస్తే నిమిషాల్లో కిటికీల మూలల్లో పేరుకుపోయిన దుమ్ము పోతుందని నిపుణులు అంటున్నారు.

Easy Tips To Clean Window Corners : డైలీ ఇళ్లు ఊడ్చి శుభ్రం చేయడం చేస్తుంటారు మహిళలు. ఇక పండగలు మొదలైతే ఇంట్లోని ప్రతీ వస్తువును ప్రతీ మూలను శుభ్రం చేస్తుంటారు. అయితే, ఇళ్లు మొత్తం క్లీన్​ చేసినా.. చాలా మంది కిటికీ మూలలను శుభ్రం చేయడం మానేస్తుంటారు. కారణం.. వాటిని క్లీన్​ చేయడం కొంచెం కష్టమైన పని కాబట్టి. ఒకవేళ క్లీన్​ చేసినా పైపైన కానిస్తుంటారు. దీంతో వాటి మూలలు దుమ్ము ధూళీతో నిండిపోతాయి. కిటీకి మూలలు మాత్రమే కాదు స్లైడ్​​ ట్రాక్స్​ సరిగ్గా క్లీన్​ చేయక దుమ్ము పేరకపోయి బిగుసుకుపోతాయి. దీనివల్ల అక్కడ బ్యాక్టీరియా, క్రిములు పెరిగిపోతాయి. అయితే ఈసారి ఇళ్లు క్లీన్​ చేసే సమయంలో ఈ టిప్స్​ పాటిస్తూ కిటికీలు శుభ్రం చేస్తే పేరుకుపోయిన దుమ్ము, ధూళి పోతుందని.. నిమిషాల్లోనే కిటికీలు కొత్తవాటిలా మెరుస్తాయని అంటున్నారు నిపుణులు. అవేంటో ఇప్పుడు చూద్దాం..

నిమ్మ నూనె :నిమ్మ నూనెతో కిటికీ మూలల్లోని దుమ్మును తొలగించడంతో పాటు, కిటికీ గ్లాసుల్ని మెరిపించవచ్చంటున్నారు నిపుణులు. ఇందుకోసం గిన్నెలో నిమ్మ నూనె, వైట్‌ వెనిగర్‌ సమపాళ్లలో తీసుకోవాలి. ఈ మిశ్రమంలో క్లాత్​ ముంచి కిటికీ మూలల్ని, గ్లాసుల్ని, స్లైడ్‌ ట్రాక్స్‌ని తుడిచేయాలి. దీంతో అక్కడి దుమ్ము, జిడ్డుదనం తొలగిపోయి కొత్తవాటిలా మెరుస్తాయని అంటున్నారు.

బ్లాక్‌ టీతో మురికి మాయం చేయండిలా! :బ్లాక్‌ టీ క్లీనింగ్‌ ఏజెంట్‌లా పనిచేస్తుందని.. దీనికి కారణం ఇందులో ఉండే ట్యానిక్‌ ఆమ్లం అంటున్నారు నిపుణులు. ఇందుకోసం కొద్దిగా బ్లాక్‌ టీని గిన్నెలోకి తీసుకొని.. అందులో కొద్దిగా డిష్‌వాషింగ్‌ లిక్విడ్‌ వేయాలి. ఈ మిశ్రమాన్ని కిటికీ మూలలు, స్లైడ్‌ ట్రాక్స్‌పై అప్లై చేసి 15 నిమిషాలు అలా వదిలేయాలి. తర్వాత పొడి గుడ్డతో కిటికీ మూలల్ని, స్లైడ్‌ ట్రాక్స్‌ని తుడిచేస్తే సరిపోతుందని నిపుణులు చెబుతున్నారు.

బేకింగ్‌ సోడా, వెనిగర్‌ మిశ్రమం :చాలా రోజుల నుంచి క్లీన్​ చేయకపోతే కిటికీ మూలలపై మురికి, జిడ్డు పేరుకుపోతుంది. దీనిని తొలగించడానికి కిటికీ మూలల్లో బేకింగ్‌ సోడా చల్లాలి.. ఆపై వెనిగర్‌నూ చల్లాలి. ఇలా చేస్తే బుడగల్లాగా వస్తుంది. 10 నిమిషాల తర్వాత టూత్‌బ్రష్‌తో నెమ్మదిగా రుద్దాలి. ఇప్పుడు పొడి పేపర్‌ టవల్‌తో క్లీన్​ చేస్తే సరిపోతుందని నిపుణులు చెబుతున్నారు.

అలాగే కొన్ని కిటికీలకు స్లైడ్‌ డోర్స్‌ ఉంటాయి. అందులో పేరుకుపోయిన మురికిని తొలగించడానికి కూడా బేకింగ్‌ సోడా, వెనిగర్‌ను చల్లి.. టూత్‌బ్రష్‌తో రుద్దాలి. తర్వాత తడి గుడ్డతో ఆ ట్రాక్స్‌లోని మురికిని తుడిచేయాలి. అయితే, ట్రాక్‌ మధ్య గ్యాప్ సన్నగా ఉంటే.. ప్లాస్టిక్‌ కత్తికి గుడ్డ చుట్టి.. దాంతో ఆ ట్రాక్‌పై ఉన్న దుమ్మును క్లీన్​ చేయవచ్చంటున్నారు.

స్పాంజ్‌లతో మేలే!:కొన్ని మూలల్లోకి, కిటికీ స్లైడ్‌ ట్రాక్స్‌ వరకు చేతి వేళ్లు చేరుకోలేవు. ఇలాంటి చోట క్లీన్​ చేయడానికి స్పాంజ్​ బాగా ఉపయోగపడుతుంది. ఇందుకోసం ఏదైనా క్లీనింగ్‌ లిక్విడ్ స్లైడ్‌ ట్రాక్స్‌పై పోసి కాసేపు నాననివ్వాలి. తర్వాత చిన్న స్పాంజి ముక్కను లేదంటే మైక్రోఫైబర్‌ క్లాత్‌ను తీసుకుని ట్రాక్‌ కింద ఉంచి ముందుకి, వెనక్కి జరపాలి. ఇలా చేస్తే దుమ్ము, మురికితో పాటు క్లీనింగ్‌ ద్రావణాన్నీ స్పాంజ్‌ పీల్చేస్తుంది. ఫలితంగా కిటికీ ట్రాక్స్‌ తళతళా మెరుస్తాయి. ఇక కిటికీ మూలల వద్ద కూడా క్లీనింగ్‌ ద్రావణాన్ని పూసి.. స్పాంజ్‌ మూలతో రుద్దుతూ క్లీన్​ చేయచ్చని నిపుణులంటున్నారు.

స్పెషల్​ బ్రష్​లు :ప్రస్తుతం మార్కెట్లో కిటికీ మూలలు, స్లైడ్‌ ట్రాక్స్‌పై పేరుకున్న దుమ్మును సులభంగా క్లీన్​ చేయడానికి బ్రష్‌లు దొరుకుతున్నాయి. కర్వీ మూలలు, ఎల్‌-షేప్‌, ఫ్లెక్సిబుల్‌గా కదిలేవి, రెండు వైపులా బ్రిజిల్స్‌ ఉన్నవి.. ఇలా అవసరాన్ని బట్టి వీటిని మీరు వాడుకోవచ్చు. కిటికీ మూలలు, స్లైడ్‌ ట్రాక్స్‌పై క్లీనింగ్‌ లిక్విడ్​ పోసి.. ఈ బ్రష్‌ల సహాయంతో ఈజీగా శుభ్రం చేసుకోవచ్చు.

చివరిగా కిటికీల్ని శుభ్రం చేయడమే కాదు.. పొడిగా తుడవడం కూడా చాలాం ముఖ్యం. లేకపోతే చెక్క, మెటల్‌తో చేసిన కిటికీలు తేమకు డ్యామేజ్‌ అయ్యే అవకాశాలు ఎక్కువ! కాబట్టి ఈ విషయాన్ని గుర్తుంచుకోవాలి.

ఇవి కూడా చదవండి :