How to Make Brinjal Malai Curry: చాలా మంది ఇష్టపడి తినే రెసిపీలలో ఒకటి.. వంకాయ. అయితే, దీనితో మీరు ఇప్పటి వరకు గుత్తొంకాయ కర్రీ, పచ్చడి, వేపుడు.. వంటి రకరకాల రెసిపీలు ట్రై చేసి ఉంటారు. కానీ.. అదే వంకాయలతో ఇంకేదైనా కొత్తగా వండాలనుకుంటే మాత్రం.. లఖ్నవూ స్పెషల్ "మలై గుత్తొంకాయ కుర్మాను" ఈసారి ప్రయత్నించండి. దీన్ని అన్నంలోకే కాదు పులావ్, రోటీ.. ఇలా దేనితో తిన్నా టేస్ట్ అద్భుతంగా ఉంటుంది! మరి.. ఈ సూపర్ టేస్టీ కర్రీని ఏ విధంగా ప్రిపేర్ చేసుకోవాలో ఈ స్టోరీలో తెలుసుకుందాం.
కావాల్సిన పదార్థాలు :
- గుత్తి వంకాయలు - 6
- నెయ్యి - 2 టేబుల్ స్పూన్లు
- నూనె - 2 టేబుల్ స్పూన్లు
- దాల్చినచెక్క - అంగుళం ముక్క
- బిర్యానీ ఆకు - 1
- యాలకులు - 4
- లవంగాలు - 4
- అల్లం వెల్లుల్లి పేస్ట్ - 1 టేబుల్స్పూన్
- షాహీ జీరా - 1 టీస్పూన్
- కారం - అరటీస్పూన్
- ఉప్పు - రుచికి సరిపడా
- వేయించిన జీలకర్ర పొడి - అరటీస్పూన్
- మిరియాల పొడి - అరటీస్పూన్
- బటర్/నెయ్యి - 1 టేబుల్స్పూన్
- పాలమీగడ - 2 టేబుల్స్పూన్లు
- కొత్తిమీర తరుగు - కొద్దిగా
మసాలా పేస్ట్ కోసం :
- వేపిన ఉల్లిపాయ ముక్కలు - 1 కప్పు
- జీడిపప్పు పలుకులు - 15 నుంచి 20
- కర్బూజ గింజలు - 2 టీస్పూన్లు
- పచ్చిమిర్చి - 4 నుంచి 5
గుత్తి వంకాయతో ఘుమఘమలాడే దమ్ బిర్యానీ - ఒక్కసారైనా తిని తీరాల్సిందే గురూ! - ఇలా ప్రిపేర్ చేయండి!
తయారీ విధానం :
- ఇందుకోసం ముందుగా నల్ల గుత్తి వంకాయలను తీసుకొని చాకుతో నాలుగు ముక్కలుగా మధ్యలోకి చీల్చుకొని పక్కన ఉంచుకోవాలి.
- ఆ తర్వాత స్టౌపై పాన్ పెట్టుకొని ఆయిల్ వేసుకోవాలి. నూనె కాస్త వేడి అయ్యాక.. మధ్యలోకి చీల్చుకున్న వంకాయలను అందులో వేసి 60% వరకు వేపుకొని పక్కకు తీసుకోవాలి. అంటే.. వంకాయపైన స్కిన్ కాస్త రంగు మారితే చాలు. అంతకంటే ఎక్కువగా, ఎర్రగా వేయించుకుంటే కర్రీ రెడీ అయ్యేలోపు వంకాయలు చిదిరిపోతాయనే విషయం గుర్తుంచుకోవాలి.
- అనంతరం రెసిపీలోకి కావాల్సిన మసాలా పేస్ట్ను ప్రిపేర్ చేసుకోవాలి. ఇందుకోసం.. మిక్సీ జార్ తీసుకొని అందులో వేయించిన ఉల్లిపాయ ముక్కలు, కర్బూజ గింజలు, జీడిపప్పు పలుకులు, పచ్చిమిర్చితో పాటు తగినన్ని వాటర్ పోసుకుని మెత్తని పేస్ట్లా గ్రైండ్ చేసుకొని పక్కన ఉంచుకోవాలి.
- ఇప్పుడు స్టౌపై పాన్ పెట్టుకొని.. నెయ్యి, నూనె వేసుకోవాలి. ఆ మిశ్రమం వేడెక్కాక.. బిర్యానీ ఆకులు, లవంగాలు, యాలకులు, దాల్చిన చెక్క, షాహీ జీరా, అల్లంవెల్లుల్లి పేస్ట్, ఉప్పు, కారం, వేయించిన జీలకర్ర పొడి వేసి 30 సెకన్ల పాటు వేయించుకోవాలి.
- మసాలాలన్నీ నూనెలో వేగాక.. అందులో గ్రైండ్ చేసుకొని పెట్టుకున్న మసాలా పేస్ట్ వేసుకోవాలి. ఆపై 300ml వేడి వాటర్ యాడ్ చేసుకొని గ్రేవీ చిక్కబడి నూనె పైకి తేలేంత వరకు ఉడికించుకోవాలి. అందుకోసం.. 7 నుంచి 8 నిమిషాల టైమ్ పట్టొచ్చు.
- ఆవిధంగా ఉడికించుకున్నాక.. ముందుగా వేయించి పెట్టుకున్న వంకాయలను అందులో వేసుకొని మరో 150 ఎంఎల్ వేడి వాటర్ పోసుకోవాలి.
- ఆ తర్వాత మిరియాల పొడి వేసి కలిపి స్టౌను లో ఫ్లేమ్లో ఉంచి వంకాయలను నిదానంగా మెత్తగా ఉడికించుకోవాలి. దీనికోసం 12 నుంచి 15 నిమిషాల సమయం పట్టొచ్చు.
- వంకాయలు మంచిగా ఉడికి పైన ఆయిల్ తేలుతున్నప్పుడు బటర్, పాల మీగడ వేసుకొని అన్నీ కలిసేలా బాగా మిక్స్ చేసుకొని ఒక పొంగు వచ్చాక దింపేసుకుంటే చాలు. అంతే.. ఎంతో రుచికరంగా ఉండే లఖ్నవూ స్పెషల్ "మలై గుత్తొంకాయ కుర్మా" రెడీ!
నోరూరించే 'వంకాయ టమాట పచ్చడి' - ఇలా ప్రిపేర్ చేశారంటే టేస్ట్ అదుర్స్!
