Projectile Strike On Israel :ఇజ్రాయెల్పైకి హెజ్బొల్లా చేసిన ప్రొజెక్టైల్స్ దాడిలో ఐదుగురు మృతి చెందారు. మృతుల్లో నలుగురు విదేశీ కార్మికులని స్థానిక అధికారులు తెలిపారు. మెతులా రీజినల్ కౌన్సిల్ ఈ ఘటనను ధ్రువీకరించింది. చనిపోయిన విదేశీ కార్మికులు ఏయే దేశాలకు చెందిన వారు అనే వివరాలు తెలియరాలేదు.
మరో డాడిలో ఇద్దరు మృతి
మెతులా ఘటన జరిగిన గంటల వ్యవధిలో మరో ఇజ్రాయెల్ నగరం హైఫాపై దాడి జరిగింది. లెబనాన్ నుంచి దాదాపు 25 రాకెట్లు తమ భూభాగంలోకి వచ్చాయని ఇజ్రాయెల్ మిలిటరీ తెలిపింది. ఆలివ్ తోటలో పనిచేసుకుంటున్న వారిపై పడ్డాయని చెప్పింది. ఈ దాడిలో ఇద్దరు మృతి చెందారని తెలిపింది. మరో ఇద్దరు గాయపడ్డారని చెప్పింది.
కాగా, గత ఏడాది కాలంగా లెబానాన్లోని హెజ్బొల్లా ఇజ్రాయెల్పైకి రాకెట్స్, డ్రోన్స్, క్షిపణులతో దాడి చేస్తోంది. లెబనాన్పై ఇజ్రాయెల్ దండయాత్ర మొదలైనప్పటి నుంచి హెజ్బొల్లా చేసిన అతిపెద్ద అటాక్ ఇదే. గతేడాది యుద్ధం మొదలైనప్పటి నుంచి రాకెట్ల దాడుల వల్ల ఉత్తర ఇజ్రాయెల్లో దాదాపు 70మంది మృతి చెందారు.
ఉత్తర ఉజ్రాయెల్ సరిహద్దులో మెతులా టౌన్ ఉంది. మెతులా చుట్టూ మూడు వైపుల లెబనాన్ భూభాగమే. ఈ యుద్ధం కారణంగా మెతులా టౌన్లో చాలా విధ్వంసం జరిగింది. 2023 అక్టోబర్లోనే అక్కడి ప్రజలను ఇజ్రాయెల్ ఖాళీ చేయించి సురక్షిత ప్రాంతాలకు తరలించింది. ఇప్పుడు అక్కడ కొందరు వ్యవసాయ కార్మికులు, సైనిక అధికారులు మాత్రమే ఉంటున్నారు. ఈ వ్యవసాయ క్షేత్రాల్లోకి అధికారిక అనుమతితో మాత్రమే ప్రవేశం ఉంటుంది.
రష్యాలోని బిల్డింల్లో పేలుడు-ఐదుగురు మృతి
దక్షిణ రష్యాలోని ఓ రెసిడెన్సియల్ భవనంలో గ్యాస్ పేలుడు సంభవించి ఐదుగురు మృతి చెందారు. మరో నలుగురు గాయపడినట్లు స్థానిక అధికారులు తెలిపారు. కరాచే-చెర్కేసియా ప్రాంతంలోని చెర్కెస్క్ నగరంలో గురువారం తెల్లవారుజామున పేలుడు సంభవించింది. పేలుడు కారణంగా ఐదు అంతస్థుల భవనం- పైన రెండు అంతస్తులు తీవ్రంగా దెబ్బతిన్నాయని అధికారులు వెల్లడించారు. అయితే భద్రతా ఉల్లంఘనల కారణంగానే ఈ ఘటన జరిగి ఉండవచ్చని అధికారులు అనుమానిస్తున్నారు. ఈ ఘటనపై క్రిమినల్ విచారణ చేపట్టారు అధికారులు. అయితే రష్యాలోని నివాస భవనాల్లో గ్యాస్ పేలుళ్లు సాధారణంగా జరుగుతాయి.
